کابل ( پژواک ۱۹ تله ۹۲ ) : د پاکستان د جمعیت علمای اسلام ګوند مشر مولانا فضل الرحمن په ارګ کې ولسمشر حامد کرزي سره لیدلي دي.
له ارګ څخه د تلې په ۱۹مه، پژواک خبري اژانس ته په یوه رالیږل شوې خبرپاڼه کې راغلي دي چې مولانا فضل الرحمن د ولسمشر کرزي په رسمي بلنه، نن کابل ته را و رسېد.
سرچینې زیاته کړې چې کابل ته له رسیدو سره سم مولانا فضل الرحمن د خپل سفر په لومړۍ ورځ یې له جمهوررئیس حامد کرزي سره وکتل.
سرچینه کاږي، په دغه کتنه کې چې نن غرمه په ارګ کې ترسره شوه، دواړو لورو د افغانستان او پاکستان ترمنځ د ورورګلویزو اړیکو او دوستانه همکاریو د پراختیا او د تروریزم او افراطیت له هغو ګډو ګواښونو څخه د خلاصون پر لارو چارو خبرې وکړې چې دواړه هېوادونه ورسره مخامخ دي.
همدا راز په دې کتنه کې دواړو لورو د تروریزم پرخلاف د دواړو هېوادونو د همکاریو پر اهمیت باندې ټینګار وک
د سیاسي چارو کارپوهه محمد حسن حقیار کابل ته د مولانا فضل الرحمن سفر مهم بولي او زیاتوي چې هغه به دسولې په پروسه کې مهم رول ولوبولی شي.
هغه پژواک ته وویل چې مولانا فضل الرحمن له طالبانواو د پاکستان حکومت سره ښې اړیکې لري او هغوی دده خبرو ته غوږ ږدي.
دیادونې وړ ده چې وړمه ورځ د عوامی نیشنل ګوند په نامه دیوه بل پاکستاني سیاسي ګوند مشر اسفندیارولي خان هم کابل ته دسفر پر مهال ولسمشر کرزي سره لیدلي وو.
Views: 3
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن