هلمند کې چاودنې شپږو ملکي وګړو ته مرګ ژوبله اړولې ده

لښکرګاه (پژواک، ٧ لړم ۹۵): چارواکي وایی، چې په هلمند ولایت کې د ماین د یوې چاودنې له امله شپږو ملکي وګړو ته مرګ ژوبله اوښتې ده.

د هلمند ولایت مقام لخوا د لړم په ۶مه، پژواک خبري اژانس ته په یوه رالیږل شوې خبرپاڼه کې راغلي، چې د سړک غاړې یاده ماین چاودنه نن سهار شاوخوا نهه بجې د ناوې ولسوالۍ په «عینک» سیمه کې رامنځته شوې ده.

سرچینې زیاته کړې، د ملکي خلکو یو موټر سیمه کې د دولت وسلوالو مخالفینو پر ایښودل شوي ماین برابر شوی، چې چاودنې له امله یې یوه میرمن وژل شوي او پنځه نور ملکي کسان ټپیان شوي دي.

په خبرپاڼه کې راغلي،  په وژل شویو ولسي وګړو کې دوه تنه ماشومان هم شامل دي او ټپیان یې پر وخت د درملنې لپاره روغتون ته لیږدول شوي دي.

د ولایت مقام ویلي، چې دا ماین د وسله والو طالبانو لخوا ځای پر ځای شوی و، خو طالبانو تر اوسه په دې اړه څه نه دي ویلی.

غړي

You need to subscribe to view the full article. Please login or register a new account.