کابل (پژواک، ٢٤ غبرګولى ٩٦) : د ملګرو ملتونو سرمنشي له افغان چارواکو سره د خبرو اترو په موخه په يوه ناڅاپي سفر کابل ته رسېدلى دى.
په کابل کې د ملګرو ملتونو ددفتر (يوناما) يوې سرچينې د غبرګولي په ٢٤مه، پژواک خبري اژانس ته وويل، چې سرمنشي انتونيو ګويټرز نن سهار کابل ته رسېدلى دى.
سرچينې زياته کړې چې هغه به د افغانستان ولسمشر اشرف غني، د حکومت اجراييوي رييس ډاکټر عبدالله عبدالله او يو شمېر نورو چارواکو سره وګوري.
يوناما وايي چې سرمنشي به دغه راز د مدني ټولنې له يو شمېر غړو هم پر بېلا بېلو موضوعاتو خبرې وکړي.
د ملګرو ملتونو سرمنشي هم په ټولنيزه شبکه ټويټر کې ليکلي چې په دې سختو حالاتو کې له افغانانو سره د يو والي او ملاتړ په موخه کابل ته راغلى دى.
login or register a new account.
