خوست ښار(پژواک، ۹ مرغومى ۹۶): د خوست امنيتي منسوبينو هغه پنځه پوليس نيولي چې ګومان کېږي له امنيې قوماندانۍ څخه په جنايي جرمونو د يوې تورنې شوې ډلې د کسانو له جملې د يوه کس په تېښته کې لاس لري.
د خوست امنيې قوماندانۍ تېره اوونۍ خبر ورکړی و چې هغه شپږ کسيزه وسله واله ډله يې نيولې ده چې په وسله والو غلاوو او ځينو نورو جنايي جرمونو کې د ښکېلتيا تور پرې لګېدلی دی.
د خوست امنيه قوماندانۍ مطبوعاتي مسِوول عبدالبصير د مرغومي په ٩مه، پژواک اژانس ته وويل، د يادو نيول شوو کسانو له ډلې څخه يو کس وړمه شپه د پوليسو له نظارت خانې څخه په تېښته بريالی شوی.
نوموړي زياته کړه، د ياد کس د تېښتې په تړاو د نظارت خانې د امر په ګډون د يو شمېر قراوولونو پنځه پوليس نيول شوي او دا مهال تر جدي څارنې لاندې دي.
عبدالبصير همدارنګه وويل، د يادې پېښې د څرنګوالي په اړه د پلټنو ترڅنګ د تښتېدلي کس او دغه راز د نورو تشخيص شوو وسله والو غلو د ډلو د نيولو هڅې هم کوي.
په ورته وخت کې د خوست د ولايتي شورا غړي قمرعلي لکڼوال له پژواک اژانس سره په خبرو کې په دې وروستيو کې د ناقانونه وسله والو ډلو د فعاليتونو په اړه اندېښنه وښوده.
نوموړي زياته کړه، که څه هم کره معلومات نه لري، خو داسې خبرې يې اورېدلي چې ممکن له ځينو وسله والو ډلو سره يو شمېر امنيتي کسان لاس ولري، خو امنيه قوماندانۍ په دې برخه کې د جدي اقداماتو خبره کړې ده.
د خوست د مرکز يوه اوسېدونکي قيس پژواک اژانس ته وويل، د غلو او نورو ناقانونه وسله والو ډلو د فعاليتونو د مخنيوي لپاره اړينه ده چې پر هغوی قانون تطبيق شي.
غړيYou need to subscribe to view the full article. Please login or register a new account.
