خوست ښار (پژواک، ۲۱ مرغومى ۹۶): د خوست امنيتي ځواکونو په دغه ولايت کې د لسګونو ماينونو تر څنګ يو شمېر تښتول شوي نظامي موټر له وسله والو طالبانو نيولي او ترلاسه کړي دي.
د خوست امنيه قوماندان مل پاسوال محمد داود امين د مرغومي په ٢١مه په يوه خبري کنفرانس ته وويل چې دا او ځينې نورې لاسته راوړنې د تېرې يوې اوونۍ په ترڅ کې ملي پوليسو او د ملي امنيت ځواکونو درلودلې دي.
نوموړي زياته کړه، د پوليسو دوه رينجر او يو هاموې موټر چې وسله والو طالبانو د پکتيا له جاني خېلو ولسوالۍ بيولي وو، د خوست پوليسو او د ملي امنيت ځواکونو په ګډو عملياتو کې نيولي، خو د کره ځای په اړه يې معلومات ورنه کړل.
قوماندان امين همدارنګه وويل چې د تېرې يوې اوونۍ په اوږدو کې يې ۶۱ کړۍ د وسايطو ضد بېلابېل ډوله ماينونه، دوه کلاشينکوفونه، يو ميل راکټ او يو شمېر نظامي لباسونه هم نيولي دي.
نوموړي زياته کړه چې د نشه يي توکو پر ضد د مبارزې په ترڅ کې يې يوه اندازه نشه يي توکي او په تړاو يې څلور کسان هم نيول شوي او د قانون منګولو ته يې سپارلي دي.
د خوست امنيه قوماندان مل پاسوال محمد داود امين وويل چې له يادو نيول شوو وسلو او دغه راز د ځينو جنايي جرمونو په تور يې يو شمېر کسان نيولي دي.
غړيYou need to subscribe to view the full article. Please login or register a new account.
