خوست ښار (پژواک، ۲۳ غويی ۹۹): امنيتي چارواکي وايي چې خوست کې د ماین چاودنې له امله يو ملکي کس وژل شوی او لس نور ټپيان شوي دي.
دغه چاودنه نن د «غويی ۲۳» له غرمې مخکې د خوست د يعقوبيو صبريو ولسوالۍ اړوند د خلبيسات په بازار کې شوې ده.
د خوست د امنيه قوماندانۍ وياند عادل حيدر پژواک خبري اژانس ته وويل چې ماين ته د خلکو څخه د ګڼې ګوڼې په ډک ځای کې چاودنه ورکړل شوې، چې له امله يې يو کراچۍ چلوونکی وژل شوی او د يوه ماشوم په ګډون لس تنه نور ټپيان دي.
د حيدر په وينا، ټپيان د ولسوالۍ کلينيک او د ښار بېلابېلو روغتونونو ته انتقال شوي، چې روغتيايي حالت يې د ډاډ وړ دی.
په خوست ښار کې د بابريګل په نوم د خصوصي کلينيک يوتن مسوول پژواک اژانس ته وويل، دوی ته د پېښې له ځايه يواځې درې ټپيان ور وړل شوي، چې روغتيايي حالت يې د ډاډ وړ دی.
د عظيم الله په نوم يوتن عيني شاهد بيا پژواک اژانس ته وويل، چاودنه ډېره زروره وه او په وينا یې د پېښې قربانيان ټول هغه کسان دي، چې د يوې مړۍ ډوډۍ د پيدا کولو لپاره يې لاسي کراچۍ چلولې.
تردې دمه د پېښې مسووليت چا نه دی منلی
غړيYou need to subscribe to view the full article. Please login or register a new account.
