کابل (پژواک، ۲۳ مرغومی ۹۹): د کابل پولیس وایي، د دغه ښار اتمې حوزې اړوند د پولیسو پر یوه رينجر د چسپکې ماین چاودنه شوې خو مرګ ژوبله نه لري.
د کابل امنیې قوماندانۍ ویاند فردوس فرامرز پژواک خبري اژانس ته وویل چې دغه چاودنه نن ماسپښین شاوخوا یوه بجه د کابل ښار اتمې حوزې اړوند ستانکزي ښارګوټي ته نږدې شوې ده.
هغه زیاته کړه چې د یادې چادنې په پایله کې یاد موټر یو څه ویجاړ شوی، خو مرګ ژوبله نه لري.
د پېښې یوه عیني شاهد باورخان هم پژواک ته وویل چې څو دقیقې مخکې د کابل ښار رحمان مینې سیمه کې د امام اعظم جومات مخې ته د پولیسو پر یوه رینجر موټر د چسپکي ماین چاودنه وشوه.
نوموړي وویل، سیمه د پولیسو له خوا تړل شوې او چاته د تګ راتګ اجازه نه ورکوي.
د دې پېښې مسوولیت تر اوسه چا نه دی منلی.
دا په داسې حال کې ده چې په دې وروستیو کې پر نظامي موټرو د چسپکي ماینونو چاودنې او د خبریالانو او مدني فعالانو مرموزې وژنې ډېرې شوې دي.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن