اېبک (پژواک، ۱۲ لیندۍ ۱۴۰۳): سمنګان کې ځايي سرچینې وايي، د دغه ولایت په دره صوف بالا ولسوالۍ کې د یوه کان نړېدو له امله یوه کانکېدونکي ژوند له لاسه ورکړی دی.
د سمنګان امنیې قوماندانۍ ویاند حشمتالله رحماني په یوې خبرپاڼه کې ویلي، پرون د دغه ولایت د دره صوف بالا ولسوالۍ په شاکول سیمه کې د ډبرو سکرو یو کان نړېدلی چې له امله یې یوه کس ژوند له لاسه ورکړی دی.
هغه زیاتوي، مړ شوی کس د بلخ اوسېدونکی و چې مړی یې د ځايي مسوولینو له لوري کورنۍ ته سپارل شوی دی.
