مزارشریف (پژواک، ۲۶ غبرګولی ۱۴۰۱): د بلخ امنیتي مسوولان وايي، په دغه ولایت کې د ۱۴۳ ښځو په ګډون شاوخوا ۱۴۰۰ ځوانان د پولیسو لیکو ته جذب شوي دي.
په بلخ کې د امنیې قوماندانۍ د جلب او جذب مسوول مولوي بازمحمد حذیفه پژواک خبري اژانس ته وويل چې د دغې قوماندانۍ په تشکیل کې ۱۸۰۰ بستونه شته دي چې تر اوسه ورته د ۱۴۳ ښځو په ګډون ۱۴۰۰ کسان جذب شوي، خو لومړيتوب د اسلامي امارت غړو ته ورکړل شوى دى.
د هغه په وینا، د اسلامي امارت ټول هغه غړي چې پر شرایطو برابر وي او د خپل قوماندان او کورنۍ موافقه ولري، نو د پولیسو لیکو ته به جذب شي.
نوموړی زیاتوي چې د نوي حکومت له واکمنېدو وروسته د بلخ امنیې قوماندانۍ د جلب او جذب برخې ټولې ملکي او نظامي چارې بېرته فعالې شوې او ټول کارکوونکي پر خپلو دندو بوخت دي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن