فیروزکوه (پژواک، د کب لومړۍ نېټه ۱۴۰۱): د غور سیمهییز مسوولین وایي، نن سهار یې د یاد ولایت مرکز فیروزکوه ښار لوېدیځه سیمه کې تر واورې لاندې د دوو ماشومانو جسدونه پیدا کړي دي.
هغوی وایي، دغه دوه ماشومان د سړې هوا او واورې له امله مړه شوي دي.
د غور د والي ویاند عبدالواحد حماس خبریالانو ته وویل: «نن سهار د دغو دوو ماشومانو جسدونه د فیروزکوه ښار اړوند په «خره مرده» سیمې کې پیدا شوي دي.»
هغه وویل: «له بده مرغه درې ورځې مخکې د فیروزکوه ښار اړوند په خره مرده سیمه کې اووه او ۹ کلن دوه ماشومان چې بل کلي ته روان وو، واوره کې ایسار پاتې شوي وو.»
د سرچینې په خبره، د یادو ماشومانو جسدونه چې نن سهار له واورې را ایستل شوي، خپلو کورنیو ته سپارل شوي دي.
دا په داسې حال کې ده چې یوه میاشت مخکې هم په فیروزکوه ښار او د دغه ولایت په لعل و سرجنګل ولسوالۍ کې د یوه ماشوم په ګډون درې کسان د سړې هوا له امله مړه شوي وو.
غړيYou need to subscribe to view the full article. Please login or register a new account.
