غور کې د دوو ماشومانو مړي تر واورې لاندې موندل شوي

فیروزکوه (پژواک، د کب لومړۍ نېټه ۱۴۰۱): د غور سیمه‎ییز مسوولین وایي، نن سهار یې د یاد ولایت مرکز فیروزکوه ښار لوېدیځه سیمه کې تر واورې لاندې د دوو ماشومانو جسدونه پیدا کړي دي.

هغوی وایي، دغه دوه ماشومان د سړې هوا او واورې له امله مړه شوي دي.

د غور د والي ویاند عبدالواحد حماس خبریالانو ته وویل: «نن سهار د دغو دوو ماشومانو جسدونه د فیروزکوه ښار اړوند په «خره مرده» سیمې کې پیدا شوي دي.»

هغه وویل: «له بده مرغه درې ورځې مخکې د فیروزکوه ښار اړوند په خره مرده سیمه کې اووه او ۹ کلن دوه ماشومان چې بل کلي ته روان وو، واوره کې ایسار پاتې شوي وو.»

login or register a new account.