کابل (پژواک، ۱۰ کب ۱۴۰۱): د افغانستان د صنعت او سوداګرۍ وزارت وايي چې په تېرو لسو میاشتو کې له هېواده پاکستان ته د صادراتو کچه څه باندې یو میلیاد ډالرو او له پاکستانه افغانستان ته د وارداتو کچه ۹۴۰ میلیون امریکايي ډالرو ته رسېدلې ده.
دا په داسې حال کې ده چې د پاکستان مرکزي بانګ ويلي، دغه هېواد ته له افغانستانه د صادراتو کچه ۸۷ سلنه کمه شوې ده. سرچینې زیاته کړې چې په وروستیو ۷ میاشتو کې پاکستان ته د افغانستان د صادراتو کچه له ۱۰۵.۶ میلیون ډالرو ۱۳.۳ میلیون ډالرو ته ټیټه شوې ده.
خو د افغانستان د صنعت او سوداګرۍ وزارت ویاند اخندزاده عبدالسلام جواد نن (د کب ۱۰مه) پژواک خبري اژانس ته وویل: «د هېواد واردات له مختلفو بندرونو پاکستان ته دوام لري چې د سږ کال په لسو میاشتو کې الحمدالله زموږ صادرات ډېر دي چې په ټولیز ټول پاکستان ته زموږ صادرات څه باندې یو میلیارد ډالره دي.»
د هغه په وینا، په تېرو لسو میاشتو کې افغانستان ته د پاکستان د وارداتو کچه ۹۴۰ میلیون ډالر ده.
جواد زیاتوي چې پاکستان ته د افغانستان ډېری صادرېدونکي توکي جلغوزي، د ډبرو سکاره، پنبه، رومیان او پیاز دي او دغه راز له پاکستانه افغانستان ته وریجې، سمنټ، درمل، کچالو او نور توکې واردیږي.
نوموړي وویل: «موږ هیلهمن یو چې راتلونکی کال به انشاءالله پاکستان ته د صادراتو کچه نوره هم لوړه شي.»
دا په داسې حال ده چې د افغانستان د صنعت او سوداګرۍ وزارت د روانې کب میاشتې په ۶مه ویلي، په ۱۴۰۱ کال کې د ۱،۸ میلیارد امریکايي ډالرو په ارزښت صادرات شوي چې د تېر کال په پرتله ۸۵ سله لوړوالی ښيي.
غړيYou need to subscribe to view the full article. Please login or register a new account.
