ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

د سالنګ لویه‌ لار د ټېلري موټرو پر مخ وتړل شوه

د سالنګ لویه‌ لار د ټېلري موټرو پر مخ وتړل شوه

author avatar
2 Mar 2023 - 13:26
د سالنګ لویه‌ لار د ټېلري موټرو پر مخ وتړل شوه
author avatar
2 Mar 2023 - 13:26

چاریکار (پژواک، ۱۱ کب ۱۴۰۱): د سالنګونو د ساتنې او مراقبت مسوولان وایي، د سالنګونو په شمال کې د واورې ورېدو او باد له امله دغه لویه‌ لار د ټېلري موټرو پر مخ تړل شوې ده.

د سالنګونو د ساتنې او مراقبت رییس حافظ محمدیعقوب وایي، اوس هم د سالنګونو دواړو خواوو ته واوره ورېږي او د باد شدت د سالنګونو په شمال کې له نن سهار (پنج‌شنبه، د کب ۱۱مه) راهیسې کم شوی دی.

د هغه په وینا، یاده لویه‌ لار د ټېلري موټرو پر مخ تړل شوې او د دواړو غاړو مسافروړونکي موټر د چاینونو په وسیله تګ راتګ کوي.

هغه زیاته کړه چې په یاده لار کې تر راتلونکو ۲۴ ساعتونو د اورښت احتمال شته.

دا په داسې حال کې ده چې د هېواد د هوا پېژندنې ادارې د روانې کب میاشتې په ۹مه په ۱۴ ولایتونو کې د شدید باران او واورې ورېدو د اټکل خبر ورکړی و.

Views: 175

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.