مزارشریف (پژواک، ۳ وږی ۱۴۰۲): د بلخ مرکز مزارشریف په ابو علي سینا بلخي حوزوي روغتون کې پرون د ۳۵۰ زره امریکايي ډالرو په لګښت د اکسېجن د تولید یوه دستګاه فعاله شوه.
د دغه ولایت د رسنیو مرکز په خپره شوې خبرپاڼه کې د بلخ د عامې روغتیا رییس نجیبالله توانا له قوله راغلي: «پر دغه ماشین ۳۵۰ زره امریکايي ډالر لګښت راغلی چې په یوه دقیقه کې د ۱۵۰۰ لیټره اکسېجن د تولید وړتیا لري.»
سرچینې نه دي ویلي چې د یادې دستګاه لګښت د عامې روغتیا وزارت له بودجې او که د کوم بل مرستندویه بنسټ له خوا ورکړل شوی دی.
خو توانا ويلي چې دغه دستګاه به د اکسېجن په برخه کې د دغه ولایت د حوزوي روغتون د بستر ناروغانو اړتیاوې پوره کړي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن