ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

کاپیسا کې د ۱۰۶ کیلومتره سړکونو بیارغونې چارې پیل شوې

4 Sep 2023 - 17:47
4 Sep 2023 - 17:47

محمودراقي (پژواک، ۱۳ وږی ۱۴۰۲): د کاپیسا چارواکي وایي، د دغه ولایت په مرکز او ولسوالیو کې د ۱۰ میلیون ډالرو په لګښت د ۱۰۶ کیلومتره سړکونو بیارغونې چارې پیل شوې.

د کاپیسا د ټولګټو ریاست فني انجنیر، ادریس میرزاد نن د یادې پروژې پرانیستې مراسمو کې وویل چې دا پروژه د دغه ولایت په بېلابېلو سیمو کې د درېیو میاشتو په موده کې پلې کېږي.

 هغه زیاته کړه: «دې پروژه کې د ګلدان تر ګلبهاره سړک استنادي دېوالونو جوړول، له ګلدانه تر صیاده د سړک ترمیم، د جامچي د بابا علي تر کلي د سړک ترمیم، د ګلدان تر احمدبیګ تپې د پلچکونو او سړکونو جوړول، د احمدبیګ تپې د تګاب ولسوالۍ شینکۍ سیمې تر دوه سړکې د پلچکونو او استنادي دېوالونو جوړول شامل دي.»

د هغه د معلوماتو له مخې، دغه سړکونه ټولټال ۱۰۶ کیلومتره دي چې د ۱۰ میلیون ډالرو په لګښت بیارغول کېږي.

login or register a new account.

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.
Exit mobile version