نیلي (پژواک، ۲۲ تله ۱۴۰۲): د دایکنډي په مرکز نیلي کې د ورزش او بدني روزنې امریت له خوا د «خزانی جام» په نوم د فوټسال ۱۷ کلنو لوبډلو ترمنځ سیالۍ پيل شوې.
د دایکنډي د ورزش او بدني روزنې سرپرست امر دورمحمد رووفي وویل، دغه ټورنمنټ د ځوانانو ترمنځ د فوټسال د ودې او پیاوړتیا په موخه پیل شوی دی.
هغه زیاته کړه، په یاد ټورنمنټ کې د دایکنډي ولایت په کچه ۲۶ لوبډلو ګډون کړی دی.
دغه راز، د دایکنډي ځوانان د دې ډول برنامو د پیل هرکلی کوي.
دایکنډي کې د فوټسال لوبډلې یو لوبغاړی علی میثم وایي، د دغه ولایت ځوانان له ورزش سره ډېره لېوالتیا لري او اړتیا ده چې دې برخې ته ډېره پاملرنه وشي.
هغه زیاتوي، ځوانانو د فوټبال او فوټسال برخو کې ډېره وده کړې او ځوانې ورزش وړتیاوې موجودې دي.
خو د دایکنډي یو بل ځوان وایي چې د ورزش د ودې او یو بل منلو لپاره د دغسې ورزشي پروګرامونو جوړول ډېر مهم دي.
هغه ټینګار کوي، د ځوانانو لپاره د نورو ظرفیتي پروګرامونو ترڅنګ د ورزش وده او پیاوړتیا هم یوه مهمه اړتیا ده.
Views: 8
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن