<p style="text-align: justify;">کندهار (پژواک، ۱۱ غویی ۱۴۰۳): د کندهار امنیه قومانداني وایي چې د دغه ولایت سپینبولدک ولسوالۍ بازار کې یو کس د ناپېژانده وسلهوالو له خوا په ډزو وژل شوی دی.</p>
<p style="text-align: justify;">د کندهار امنیې قومانداني ویاند ملا اسدالله جمشید پژواک خبري اژانس ته وویل، تېره ورځ ناپېژانده وسلهوالو د سپینبولدک ولسوالۍ بازار پوپل مارکېټ ته نږدې د عطاءمحمد په نوم یو کس په ډزو وژلی او بیا تښتېدلي دي.</p>
<p style="text-align: justify;">هغه وویل، تر اوسه د پېښې انګېزه نه ده معلومه خو زیاتوي چې په اړه یې پلټنې پیل کړې دي.</p>
<p style="text-align: justify;">پژواک هڅه وکړه چې د وژل شوي کس له کورنۍ سره د پېښې د لامل په اړه خبرې وکړي، خو بریالی نه شو.</p>
<p style="text-align: justify;">د یادونې ده، له دې مخکې هم په یاده ولسوالي کې دغه ډول پېښې شوې دي.</p>
