کابل (پژړاک، ۹ غبرګولی ۱۴۰): ترکیه له افغانستان سره د ډپيلوماتيکو پاسپورټونو لرونکو لپاره د دوه اړخیزو ویزو هوکړهلیک د روان کال د جون له لومړۍ نېټې ځنډوي.
یاده هوکړه په ۲۰۰۸ میلادي کال کې د افغانستان او ترکیې حکومتونو له خوا شوې وه.
ترکي رسنیو د دغه هېواد د ولسمشر رجب طیب اردوغان د فرمان له مخې ویلي چې له افغانستان سره د ډپيلوماتيکو پاسپورټونو لرونکو لپاره د دوه اړخیزو ویزو د معافیت هوکړه لغوه کېږي.
یادو رسنیو لیکلي چې یاده پرېکړه د روان زیږدیز کال د جون له لومړۍ نېټې عملي کېږي، چې له مخې به یې د افغانستان او ترکیې سیاسي پاسپورټ لرونکي اشخاص دغو هېوادونو ته د تګ راتګ په موخه ویزې ته اړتیا لري.
سرچینې د یادې پرېکړې لامل نه دی په ډاګه کړی.
پژواک دغه موضوع د اسلامي امارت له ویاند ذبیح الله مجاهد سره شریکه کړه خو تر اوسه یې په اړه څه نه دي ويلي.
Views: 37
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن