Language

Don't you have an account with Pajhwok Afghan News?

Click here to subscribe.

اوچا: روان زېږدیز کال افغانستان کې ۱۴.۳ میلیون کسان روغتیایي پاملرنې ته اړتیا لري

کابل (پژواک، ۲۶ مرغومی ۱۴۰۳): د ملګرو ملتونو د بشري مرستو د همغږۍ‌ دفتر وايي چې په روان میلادي کال کې په افغانستان کې لږ تر لږه ۱۴.۳ میلیون کسان روغتیایي پاملرنې ته اړتیا لري او دوی به وکولی شي یوازې ۹.۳ میلیون کسانو ته روغتیایي مرستې برابرې کړای شي.

د ملګرو ملتونو د بشري مرستو د همغږۍ‌ دفتر (اوچا) ویلي چې په روان ۲۰۲۵ کال کې په افغانستان کې د روغتیايي خدمتونو د وړاندې کولو لپاره ۲۷۹.۷ میلیون ډالرو بودجې ته اړتیا لري.

یادې ادارې ویلي، په روان میلادي کال کې به په افغانستان کې لږ تر لږه ۱۴.۳ میلیون وګړي په ټول هیواد کې روغتیايي پاملرنې ته اړتیا ولري چې دوی به یوازې ۹.۳ میلیون کسانو ته به په روان کال کې روغتیايي مرستې برابرې کړای شي.

اوچا د معلوماتو له مخې، په دغه شمېر کې ۵۳ سلنه یې ماشومان، ۲۳ سلنه یې ښځې او پاتې نور یې معلولین شامل دي.

د روغتیا نړۍوال سازمان (WHO) د تېر ۲۰۲۴ کال د نومبر په میاشت کې ویلي وو چې شاوخوا ۱۵۴ زره اړمنو افغانانو ته یې روغتیايي خدمتونه برابر کړي دي.

د افغانستان د عامې روغتیا وزارت تر اوسه په دې اړه څه نه دي ویلي.

GET IN TOUCH

SUGGEST A STORY

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

PAJHWOK MOBILE APP

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.