کابل (پژواک، ۱۴ سلواغه ۱۴۰۴): د افغانستان د فوټسال ملي لوبډله د ۲۰۲۶ کال اسیا ملتونو جام د اتو غوره لوبډلو پړاو سیالیو کې نن د جاپان ملي لوبډلې پر وړاندې لوبېږي.
دغه لوبه نن (سهشنبه) د افغانستان پر وخت ماسپښین دوهنیمې بجې د اندونیزیا د پلازمېنې جاکارتا ښار په ولودروم لوبغالي کې ترسره کېږي.
د دې لوبې ګټونکې لوبډله به نیمهپایلوبې ته لاره پیدا کړي.
افغانستان د دغو سیالیو په ګروپي پړاو کې د سعودي عربستان او مالیزیا پر وړاندې بریاوې ترلاسه کړې وې، خو د ایران د فوټسال ملي لوبډلې پر وړاندې یې ماتې خوړلې وه.
د جاپان د فوټسال ملي لوبډله په نړۍواله درجهبندۍ کې ۱۳م او په اسیايي درجهبندۍ کې درېیم مقام لري، په داسې حال کې چې افغانستان په نړۍواله درجهبندۍ کې ۲۸م او د اسیا په کچه اووم ځای خپل کړی دی.
د اسیا د فوټسال ملتونو جام سیالۍ له څه مودې راهیسې د اندونیزیا په کوربهتوب په جاکارتا کې روانې دي.
GET IN TOUCH
NEWSLETTER
SUGGEST A STORY
PAJHWOK MOBILE APP