د پکتیا د مرکز ګردېز ښار اوسېدونکي وايي چې په استوګنیزو سیمو کې د تولیدي فابریکو فعالیت د هوا ککړتیا ترڅنګ غږیزه ککړتیا هم رامنځته کړې ده.

هرات کې د مېویي چپسو د تولید او پروسس یوازېني شرکت مسووله وایي چې حکومت باید د متشبثو ښځو ملاتړ په موخه باید دوی د محصولاتو پلورلو لپاره موسسو او بهرنیو بازارونو ته معرفي کړي.

د افغانستان د اوبو او برېښنا وزارت وايي چې کابل ولایت کې د څه باندې ۳۰ میلیون افغانیو په لګښت د ۱۱ چک‌ډېمونو جوړېدو چارې پیل شوې.

د غزني امنیتي مسوولین وایي، د دغه ولایت مرکز کې هغه نهه کسیزه ډله نیول شوې چې په ښار کې به یې غلاوې کولې.

بادغیس کې امنیتي مسوولین وايي چې دغه ولایت کې د سېلاب راوتلو او تالندې له امله د یوې ښځې په ګډون درې کسان مړه شوي او یوه ماشومه ټپي شوې ده.

د کورنیو چارو وزارت وایي، د اسلامي امارت د مشرتابه د فرمان له مخې، په شخصي موټرو کې دې د دولتي هارونونو، اشارو او نورو دولتي نښو له لګولو ډډه وشي.

د اطلاعاتو او فرهنګ وزارت د نشراتو مرستیال وایي، په هېواد کې د لیکوالۍ، خطاطۍ او مناتورۍ برخو کې هغه ډول کار نه دی شوی، لکه څرنګه چې اړتیا ده.

اسلامي امارت وایي، په افغانستان کې د امنیتي پېښو ډېرېدو په اړه د ملګرو ملتونو راپور مغرضانه دی؛ ځکه د تېر کال په په پرتله اوس مثبت تغییر راغلی او امنیتي پېښې کمې شوې خو م.م امنیت پر ناامنۍ تعبیروي.

ستره محکمه وایي، په هلمند ولایت کې د بېلابېلو جرمونو په تړاو څلورو کسانو ته په عام محضر کې تعزیزي سزا ورکړل شوه.

د کډوالو او راستنېدونکو چارو وزارت معلوماتو له مخې، په تېره یوه اونۍ کې له پاکستان او ایرانه څه باندې ۴۰۰۰ کډوال په زور او یا خپله خوښه هېواد ته راستانه شوي دي.

د اسټرالیا د سولې او اقتصاد انسټیټیوټ په یوه تازه راپور کې ویلي، په ۲۰۲۳ کال کې افغانستان د هغو هېوادونو په سر کې دی چې د ترهګرۍ له امله د رامنځته شوو پېښو کچه په کې تر ټولو ډېره ټيټه شوې ده.

د امر بالمعروف سرپرست وزير ننګرهار کې د يوې غونډې په ترڅ کې وویل چې اسلامي امارت د اسلام په چوکاټ کې د بيان ازادۍ ته بشپړه ژمنتيا لري.