د راپورونو له مخې، د پاکستان د بهرنیو چارو وزارت اعلان کړی چې د تابعیت کارټ لرونکو او بې‌اسناده افغان کډوالو د ایستلو په وروستي ضرب‌الاجل کې بدلون نه دی راغلی.

د غزني او پکتیکا ولایتونو د مېشتو عليزو او بدین‌خېلو قومونو ترمنځ ۱۳ کلنه دښمني د سیمه‌ییزو مسؤلینو، علماوو او قومی مشرانو په منځګړیتوب پای ته ورسېده.

د روژې میاشتې له پیل سره د غور په مرکز فېروزکوه ښار کې د ۱۲ لوبډلو ترمنځ د فوټسال د رمضاني جام سیالۍ د «ارين سيکلت» لوبډلې په بريا پای ته ورسېدې.

ستره محکمه وایي، بلخ ولایت کې دوو کسانو ته د نشه‌یي توکو د قاچاق په جرم تعزیري سزا ورکړل شوه.

د ننګرهار د کرنې، اوبولګولو او مالدارۍ ریاست وایي چې دغه ریاست روان کال څه باندې ۸۷ میلیونه افغانۍ عواید را ټول کړي او د اسلامي امارت خزانې ته یې سپارلي دي.

اسلامي امارت د ملګرو ملتونو امنیت شورا کې د یوناما د مشرې څرګندونو ته په غبرګون کې ویلي چې ا.ا له نړۍوالې ټولنې سره د تعامل لپاره خپله ټوله هڅه کړې خو ځیني هېوادونه په دې برخه کې خنډونه جوړوي.

د بغلان په مرکز پلخمري ښار کې یو شمېر حلبي‌سازان وایي، د پخوا په پرتله یې کاروبار ښه شوی خو هېواد ته دې د هغو توکو پر وارداتو بندیز ولګول شي چې دوی یې تولیدوي.

کابل ښار کې د نازنین کوهستاني په نوم یوې ښوونکې چې د خپل ژوند ۳۳ کاله یې نجونو ته په تدریس کې تېر کړي، اوس یې په خپل کور کې ۱۵۰ نجونو ته په وړیا ډول له شپږم د پورته ټولګیو مضمونونو د زده‌کړې زمینه برابره کړې ده.

په ملګرو ملتونو کې د ایران دایمي استازی وایي، په دغه هېواد کې قانوني افغانان له هيڅ ډول محدودیت سره مخ نه دي او کوم کسان چې دغه هېواد ته په غیرقانوني ډول ځي، وبه ايستل شي.

د افغانستان په ځینو سیمو کې په هوایي ډزو د نجلۍ په نوم کول د ښځو پر وړاندې د تاوتریخوالي هغه بڼه ده چې له امله یې کورنۍ په دښمنیو اوړي او پېغله د پلار کره سر سپینولو ته اړ باسي، خو چارواکي وایي، یوازې په خوست کې یې ۱۱ دغه ډول پېښې ثبت کړې او په ټینګه یې مخه نیسي.

د راپورونو پر بنسټ، د اوکراین ولسمشر ولادیمیر زلینسکي د سعودي عربستان له وليعهد محمد بن سلمان سره لیدلي دي.

د غزني ولایت امنیتي مسوولین وایي، د دغه ولایت پنځمې امنیتي حوزې اړوندو کې د غلو یوه اته کسیزه ډله نیول شوې.