کابل (پژواک، ۱۷ کب ۱۴۰۲): د اسټرالیا د سولې او اقتصاد انسټیټیوټ په یوه تازه راپور کې ویلي، په ۲۰۲۳ کال کې افغانستان د هغو هېوادونو په سر کې دی چې د ترهګرۍ له امله د رامنځته شوو پېښو کچه په کې تر ټولو ډېره ټيټه شوې ده.
د اسټرالیا د سولې او اقتصاد انسټیټیوټ د ۲۰۲۴ کال د ترهګرۍ نړۍوال اغېز تر سرلیک لاندې یو تازه راپور خپور کړی دی.
په دغه راپور کې راغلي چې په افغانستان کې په ۲۰۲۳ کال کې د ترهګریزو فعالیتونو له امله په رامنځته شوو پېښو کې ۸۱ سلنه کموالی راغلی چې دا له ۲۰۱۹ راهیسې لومړی کال دی چې د ترهګرۍ اغېز په کې دې کچې ته راټيټیږي.
سرچینه کاږي چې په ۲۰۲۳ کال کې افغانستان د هغو هېوادونو په سر کې دی چې د ترهګرۍ له امله د رامنځته شوو پېښو کچه پهکې تر ټولو زیاته راټیټه شوې ده.
اسلامي امارت تر اوسه د دغه راپور په اړه څه نه دي ویلي.
