کرنه

په داسې حال کې چې سږ کال په بامیان کې د کچالانو حاصلات شاوخوا ۲۰۰ زره ټنو ته رسېدلي، خو مسوولین وايي چې د سیمې ځینو هېوادونو د ځانګړو سټنډرډونو له مخې د دغه ولایت کچالانو پېرلو ته لېوالتیا ښودلې ده.

د بلخ زعفرانو د تولید او پروسس‌ کوونکو اتحادیې مسوولین وایي چې سږ کال په دغه ولایت کې پر ۳۰۰ هکټاره ځمکه زعفران کرل شوي چې د حاصلاتو کچه یې ۱،۵ ټنو ته رسېږي.

د خوست د کرنې، اوبولګولو او مالدارۍ رياست مسوولين وايي چې سږ کال په دغه ولایت کې د املوکو حاصلات ۸۱۹ ټنه اټکل شوي او په دې موده کې پر ۳۹۰ جریب ځمکه د املوکو نور باغونه هم جوړ شوي دي.

د کرنې وزارت سرپرست په کابل کې د جاپان له سفیر سره په لیدنه کې افغانستان سره د کرنې برخه کې د دغه هېواد د مرستو د دوام غوښتنه وکړه او ویلي یې دي چې مرستې به په شفاف ډول مصرف شي.

په هرات کې د زعفرانو د راټولولو د فصل را رسېدو سره هم‌مهاله، د دغه محصول تولیدونکي نسبت تېر کال ته د یاد محصول د ډېرېدو خبرو کوي، دغه‌راز مسوولین وایي چې د زعفرانو د صادراتو ډېرېدو لپاره هڅه کوي.

د افغانستان د کرنې وزارت د مالدارۍ او کرنې مرستیال په افغانستان کې د ملګرو ملتونو د خوړو او کرنې سازمان له رییس سره لیدنه کې ویلي، د دې وخت رارسېدلی چې دغه سازمان په افغانستان کې د بېړنیو پروژو سربېره، لویې پرمختیايي پروژې هم پلې کړي.

د بلخ کرنې، اوبو لګولو او مالدارۍ ریاست مسوولین وايي، په دغه ولایت کې د غواګانو ۳۲ لوی فارمونو فعاله دي چې په کلني ډول ۱۰۵۰ ټنه شیدې تولیدوي.

د فراه د کرنې ریاست وايي، سږ کال په دغه ولایت کې څه باندې ۱۳۵۰۰ ټنه مۍ تولید شوي چې د تېر کال په پرتله ۷۴ سلنه ډېروالی ښیي.

دایکنډي کې ځیني کروندګر وايي چې تازه یې په دغه ولایت کې د پستې نیالګیو اېښودل دود شوي او د پستې ونې د دغه ولایت د ډېرو ولسوالیو له اقلیم سره ښه سازګاري لري.

بدخشان کې بڼوال د خپلو محصولاتو ساتنې لپاره د معیاري سړو خونو له نشتوالي شکایت کوي او له حکومته غواړي چې دوی ته معیاري سړې خونې جوړې کړي.

بغلان کې د مڼو بڼوال او سوداګر وایي، سږ کال په دغه ولایت کې د مڼو حاصلات ډېر دي خو بیه یې د تېر کال په پرتله ۵۰ سلنه ټیټه شوې ده.

په غزني کې د یو میلیون امریکايي ډالرو په لګښت د سبزيجاتو او تازه مېوو ساتنې په موخه یوه لویه سړه خونه جوړه شوه.