فيچرونه

د بامیان ولایت اوسېدونکې امنې اکبري چې د نجونو پر مخ د پوهنتونونو تړل کېدو له امله له تحصیله پاتې شوې، د خیاطۍ یوې کارګاه په جوړولو په دغه ولایت کې لسګونو ښځو ته د کار زمینه برابره کړې ده.

نیمروز ولایت کې د ماشومانو داخله ناروغیو یو متخصص تنفسي ناروغۍ، په ځانګړي توګه سینه بغل خطرناک بولي، له کورنیو غواړي چې د سینه بغل نښو د لیدو په صورت کې د کورنۍ درملنې پر ځای دې ناروغ ژر تر ژره روغتیايي مرکز ته ولېږدوي.

ځینې ډاکتران او د چاپېریال ساتنې برخې پوهان له کورنیو غواړي چې د پلاستیکي کڅوړو پر ځای تکه‌يي او کاغذي کڅوړې و کاروي څو هم د بېلابېلو خطرناکو ناروغیو او هم د چاپېریال له ککړېدو مخنیوی وشي.

د بلخ ولایت یو شمېر مسګران د خپلو محصولاتو لپاره د بازار له نشتوالي شکایت کوي او اندېښنه څرګندوي چې دغه لرغونی صنعت د له منځه تلو له ګواښ سره مخ دی.

د غزني یو شمېر اوسېدونکي وايي چې په دغه ولایت کې د هوا له سړېدو سره په بازار کې د سون لرګي کم شوي او بیې یې لوړې شوې دي.

د ځینو روغتونونو ډاکټران وايي چې په کابل ښار کې د وروستۍ واورې له کېدو وروسته د سړکونو او کوڅو کنګل کېدو له امله د خلکو د لاسونو او پښو ماتېدنو پېښې ډېرې شوې دي.

په دایکنډي کې یوه ځوان په ټولنیزو شبکو کې د خیریه کمپاینونو له لارې د لسګونه بې‌وزلو ناروغانو د درملنې لګښتونه برابر کړي او د ټولګټو پروژو په پلې کېدو کې یې همکاري کړې ده.

د نیمروز مرکز زرنج ښار یو شمېر اوسېدونکي په داسې حال کې په بازار کې د سون توکو د بیو کنټرول غوښتنه کوي چې مسوولین وايي، له سرغړوونکو سره قانوني چلند کېږي.

د کونړ او نورستان ولایتونو یو شمېر اوسېدونکي وايي، وروستیو ورښتونو د اسعداباد - پارون لویې لارې ډېرې برخې زیانمنې کړې چې بیارغونې ته جدي اړتیا لري.

اروزګان کې یو شمېر کروندګر وایي، په هېواد کې د نشه‌يي توکو پر کښت له بندیز وروسته یې د انجې کرلو ته مخه کړې او له حکومته غواړي چې محصولاتو ته یې بازار پیدا کړي.

ډاکټران د غیرمسلکي کسانو له لوري زېږون په داسې حال کې خطرناک بولي چې په غور کې یو شمېر مېرمنې وايي، د ځینو ټولنیزو ناسمو دودونو او د ښځینه‌ متخصصو ډاکټرانو او نسايي ولادي روغتونونو کموالی هغه لاملونه دي چې دوی په کور زېږون ته اړباسي.

جوزجان کې یوې مېرمنې د غالۍ اوبدلو او خیاطۍ یوې کارخونې په جوړولو سره ۵۰ ښځو ته د کار زمینه برابره کړې ده.