فيچرونه

فاریاب کې یو شمېر ممیز پلورونکي او بڼوال وایي چې په لاسي او ډیجیټلي تلو کې د وزن توپیر په سوداګریزو معاملو کې ستونزې پیدا کړې او دغه تفاوتونه د دوی د مالي زیان لامل شوي دي.

نیمروز کې یو شمېر بې‌سرپرسته او بې‌وزلي ماشومان چې له کثافاتو د توکو ټولولو له لارې خپلو کورنیو ته یوه مړۍ ډوډۍ پیدا کوي، له اسلامي امارته غواړي چې د دوی ملاتړ وکړي او د زده‌کړو زمینه ورته برابره کړي.

د هوا له سړېدو سره یو شمېر کابل ښاریان په ماشومانو کې د تنفسي ناروغیو له ډېرېدو شکایت کوي، بلخوا ډاکټران د حفظ‌الصحې رعایتول، د مور په شېدو سره د ماشومانو تغذیه او ناروغ ماشوم له روغو ماشومانو لرې ساتل د دغو ناروغیو د مخنیوي لپاره اغېزناک بولي.

د غور په مرکز فیروزکوه ښار کې د یو شمېر کورنیو سرپرستې ښځې چې د خپلو اولادونو اعاشې برابرولو لپاره یې سوال کولو ته مخه کړې، له حکومته او موسسو د مرستو غوښتنه کوي.

پرې ‌شونډې او پرې ‌تالو دوه مورزادي ستونزې دي چې پرې اخته کسان له روغتیایي ستونزو سربېره، له ټولنیزو او رواني اغیزو يې هم ځوریږي‎، پوهان پر دې باور دي چې د یادو ستونزو درملنه باید یوه بشپړه تګلاره ولري څو په یوه وخت کې روغتیايي، رواني او ټولنیز ابعاد یې په پام کې ونیسي.

د بامیان ولایت اوسېدونکې امنې اکبري چې د نجونو پر مخ د پوهنتونونو تړل کېدو له امله له تحصیله پاتې شوې، د خیاطۍ یوې کارګاه په جوړولو په دغه ولایت کې لسګونو ښځو ته د کار زمینه برابره کړې ده.

نیمروز ولایت کې د ماشومانو داخله ناروغیو یو متخصص تنفسي ناروغۍ، په ځانګړي توګه سینه بغل خطرناک بولي، له کورنیو غواړي چې د سینه بغل نښو د لیدو په صورت کې د کورنۍ درملنې پر ځای دې ناروغ ژر تر ژره روغتیايي مرکز ته ولېږدوي.

ځینې ډاکتران او د چاپېریال ساتنې برخې پوهان له کورنیو غواړي چې د پلاستیکي کڅوړو پر ځای تکه‌يي او کاغذي کڅوړې و کاروي څو هم د بېلابېلو خطرناکو ناروغیو او هم د چاپېریال له ککړېدو مخنیوی وشي.

د بلخ ولایت یو شمېر مسګران د خپلو محصولاتو لپاره د بازار له نشتوالي شکایت کوي او اندېښنه څرګندوي چې دغه لرغونی صنعت د له منځه تلو له ګواښ سره مخ دی.

د غزني یو شمېر اوسېدونکي وايي چې په دغه ولایت کې د هوا له سړېدو سره په بازار کې د سون لرګي کم شوي او بیې یې لوړې شوې دي.

د ځینو روغتونونو ډاکټران وايي چې په کابل ښار کې د وروستۍ واورې له کېدو وروسته د سړکونو او کوڅو کنګل کېدو له امله د خلکو د لاسونو او پښو ماتېدنو پېښې ډېرې شوې دي.

په دایکنډي کې یوه ځوان په ټولنیزو شبکو کې د خیریه کمپاینونو له لارې د لسګونه بې‌وزلو ناروغانو د درملنې لګښتونه برابر کړي او د ټولګټو پروژو په پلې کېدو کې یې همکاري کړې ده.