فيچرونه

په افغانستان کې د هندوانو یو استازی د دې په څرګندولو سره چې د تېر په پرتله یې اوس «ژوند ښه او امن شوی»، د اهل هنودو او سیکانو د غصب شوو ملکیتونو د استرداد غوښتنه کوي؛ خو د ا.ا ویاند د هغوی له حقونو د ملاتړ ترڅنګ وايي، د دې ډول ستونزو د شتون په صورت کې اړوندو مراجعو ته په مراجعې سره به «ځانګړې همکاري» وشي.

غزني‌ښار (پژواک، د وږي لومړۍ نېته ۱۴۰۴): د غزني یو شمېر اوسېدونکي شکایت کوي چې د دغه ولایت په ښوونځیو کې ښوونکي کم دي چې

کندهار ولایت کې یو شمېر هغه راستانه شوي کډوال چې کوچني کاروبارونه یې پیل کړي، له حکومته غواړي چې ملاتړ یې وکړي، څو وکولای شي نورو کسانو ته هم د کار زمینه برابره کړي.

په نیمروز کې سیمه‌ییزې سرچینې وايي چې په دغه ولایت کې له لمریزې برېښنا استفاده ډېره شوې ده. له بلې خوا، کارپوهان وايي چې نیمروز د لمریزې برېښنا د تولید لوړ ظرفیت لري او چارواکي باید دې برخې ته جدي پاملرنه وکړي.

د میدان‌وردګو ولایت د جغتو ولسوالۍ یو شمېر اوسېدونکي او کروندګر وایي، د وچکالۍ له امله یې کښتونه وچ او زیانمن شوي او له حکومته غوښتنه کوي چې د دې ستونزې د حل په موخه دې بندونه ورته جوړ کړي.

د اسلامي امارت د بیاواکمنېدو د څلورمې کالیزې په درشل کې یو شمېر نجونې غوښتنه کوي چې اسلامي امارت دې د خپل حاکمیت پر پنځم کال له شریعت سره سم نجونو ته له شپږم ټولګي پورته ښوونځیو او پوهنتونونو ته د تګ اجازه ورکړي.

د جوزجان په مرکز شبرغان ښار کې یوې ښځې د خیاطۍ کارګاه په جوړولو له ایرانه لسګونه راستنو شوو ښځو ته د کار زمینه برابره کړې ده. هغه وايي، د ملاتړ په صورت کې به خپل کاروبار ته پراختیا ورکړي او ډېر شمېر ښځې به په کار وګوماري.

د دایکنډي په لرو پرتو سیمو کې چې انټرنېټي خدمتونه او ښوونیز امکانات محدود دي، یو شمېر نجونو او ښځو د بېلابېلو ښوونیزو اپلېکېشنونو په کارونې سره تازه او نوي مهارتونه زده کړي او د خپل علمي او مسلکي پرمختګ لپاره یې نوې لارې پرانیستې دي.

ډاکټران وايي، د هوا له ډېرې ګرمېدو سره په کابل ښار کې انتاني ناروغۍ، په ځانګړې توګه اسهالات ډېر شوي؛ هغوی له ښاریانو غواړي چې د شخصي او چاپېریالي حفظ الصحې رعایتولو ترڅنګ دې له شپې د پاتې خوړو له استفادې ډډه وکړي.

د پلاستیکي کڅوړو د خطرونو په اړه د خبرداریو او پر وارداتو یې د بندیز سربېره لا هم په بازارونو کې د دغو کڅوړو کارونه په پراخه کچه دوام لري او کارپوهانو یو ځل بیا پر دغو کڅوړو د بشپړ بندیز او په اړه یې د عامه پوهاوي پر اړتیا ټینګار کړی دی.

کابل ښار کې د اسرار پارسا په نوم یوه نجلۍ چې په دوه کلنۍ کې ګوزڼ وهلې او کیڼه پښه یې فلج ده، په لېوالتیا او قوي اراده د مصنوعي ځیرکتیا اړوند پر څو پروژو کار کوي او هیله‌ لري څو د نوښتونو او ټکنالوجۍ برخې نړۍوالو سیالیو کې ګډون وکړي.

له ایران او پاکستانه راستانه شوي یو شمېر کډوال او نور کسان په غزني ښار کې د کورونو کرایو له لوړېدو شکایت کوي او وايي، دوی د لوړو کرایو ورکولو توان نه لري او حکومت دې دغې ستونزې ته رسېدنه وکړي.