منځپانګې ته تلل
شنبه ۲۱ نومبر ۲۰۲۶ · کابل ۱۲:۴۶ غ.م
۴°نیمه ورېځ · ↑۱۴° ↓۳°د هوا کیفیت: منځنی
برخه

فيچرونه

۳،۸۴۸ راپورونه

راپورونه

د سرپل په صیاد او الجهاد ولسوالیو کې د څښاک اوبو ته سخت لاسرسي خلک له ستونزو سره مخ کړي

د سرپل د الجهاد او صیاد ولسوالیو یو شمېر خلک په خپلو سیمو کې د څښاک پاکو اوبو له نشتوالي شکایت کوي او وايي چې خپلې د اړتیا وړ اوبه له لرو ساحو راوړي چې له امله یې له سختو ستونزو سره مخ دي.

مسوولین: په تېرو نږدې څلورو کلونو کې د هېواد په کچه ۲۶۵۰ دښمنۍ حل او فصل شوې

مسوولین وایي چې په تېرو نږدې څلورو کلونو کې د هېواد په کچه د جرګو او مرکو له لارې ۲۶۵۰ شخړې او دښمنۍ هوارې شوې، بلخوا شنونکي دا چاره د ټولنیز ثبات رامنځته کېدو او د خلکو ترمنځ د کرکې د له منځه تلو لپاره مهم ګام بولي.

له ایرانه راستانه شوي هېوادوال: ایراني پولیس له افغانانو سره ناسم چلند کوي او اضافي پیسې ترې اخلي

له ایرانه د افغان کډوالو د را ایستلو لړۍ په چټکېدو سره، یو شمېر راستانه شوي هېوادوال وايي چې په دغه هېواد کې له افغانانو سره ناسم چلند کېږي او ایراني پولیس ترې د را ایستلو پر مهال اضافي پیسې اخلي.

زهرا علي؛ افغانستان کې د نوې کېدونکې انرژۍ د تولید او پاورسټېشن دستګاوو جوړولو مخکښه

په داسې حال کې چې افغانستان لا هم د برېښنا د کمښت له ستونزې سره مخ دی، په کابل کې یوې نجلۍ په کمه پانګونه خو لوی باور سره، د پاورسټېشن کوچنيو دستګاوو جوړولو ته مخه کړې څو د انرژۍ تولید ته یوه روښانه لار ومومي.

«حکومت او موسسې دې په دایکنډي کې د کوچنیو متشبثینو ملاتړ وکړي»

د دایکنډي یو اوسېدونکی چې په دغه ولایت کې یې د لبنیاتو پروسس یوازېنۍ کارخونه جوړه کړې، له حکومت او همکارو موسسو غواړي چې له کوچنیو ځايي پانګونو ملاتړ وکړي، څو د کورنيو تولیداتو د ودې او په دایکنډي کې د کاري فرصتونو پیدا کېدو زمینه برابره شي.

بدخشان کې یوه نالوستي کس خپله ۲،۵ جریب ځمکه د یوه ښوونځي ودانۍ لپاره وقف کړې ده

د بدخشان د تشکان ولسوالۍ د یوې لرې پرتې سیمې یوه نالوستي اوسېدونکي ۲،۵ جریب شخصي ځمکه د خپلې سیمې ښوونځي د ودانۍ لپاره پوهنې ریاست ته وقف کړې ده، څو د کلي ماشومان یې د ده په څېر نالوستي پاتې نه شي.

کبرا محمدي هغه بامیانۍ ښځه چې ځان او یو شمېر نورو ښځو ته یې کار پیدا کړی

د کبرا محمدي په نوم یوه ښځه چې په بامیان ښار کې یې د غالۍ اوبدنې د یوې کوچنۍ کارګاه په جوړولو سره ۴۰ ښځو ته د کار زمینه برابره کړې، وايي، د ژوند شرایطو اړه کړه څو د یوه داسې کار په لټه کې شي چې له لارې یې د خپلې کورنۍ اقتصادي ملاتړ وکړي.

نیمروز کې د روږدو درملنې بریالی پروګرام؛ له اعتیاد څخه عادي ژوند ته تر بېرته راګرځېدو

نیمروز کې ځايي مسوولین وايي، په تېرو درېیو کلونو کې د دغه ولایت له مرکز زرنج ښاره شاوخوا ۸۰ سلنه روږدي ټول او د درملنې لپاره روغتون ته لېږدول شوي؛ بلخوا درملنه شوي کسان او شنونکي دغه پروګرام د امنیت راتلو او د ښار د ښکلا اصلي لامل او اغېزناک بولي.

معارف کې درې‌نیمې لسیزې خدمت؛ د غلام‌حیدرخان لېسې بریالی مدیر اسدالله کوهستاني تقاعد شو

اسدالله کوهستاني له ۲۴ کلونو پرله‌پسې او اغېزناک مدیریت وروسته وتوانېد څو د کابل ښار د غلام‌حیدرخان ښوونځی چې یو وخت د جنجالي او بې‌نظمه ښوونځي په نوم یادېده، پر یوه منظم ښوونیز بنسټ بدل کړي؛ هغه وايي، د «معارف له خلکو سره او خلک له معارف سره» شعار په عملي کولو یې عمومي باور جلب او په دغه ښوونځي کې یې د زده‌کړو بهیر په دوامداره توګه پیاوړی کړ.

د غور په شهرک ولسوالۍ کې پر هریرود سیند د پله نشتوالي له امله خلک له ستونزو سره مخ دي

د غور د شهرک ولسوالۍ یو شمېر اوسېدونکي وايي، وروسته له هغه چې د تېر کال سېلابونو په دې ولسوالۍ کې پر هریرود سیند یوازېنی پل ونړاوه، اوس اړ دي له دغه سینده د تېرېدو لپاره له ټوپي کښتیو ګټه واخلي چې دا له خطره خالي نه دي.

فاریاب کې بې‌ساري وچکالي؛ بزګران او مالداران د مرستې غوښتنه کوي

د فاریاب د کرنې، اوبولګولو او مالدارۍ ریاست وايي چې په دغه ولایت کې د سختې وچکالۍ له امله نږدې ټول للمي او ۵۰ سلنه اوبیز کښتونه وچ شوي؛ بلخوا، کروندګر او مالداران هم دغه وضعیت اندېښمن کړي او د مرستې غوښتنه کوي.

کابل کې د وینادرملنې او بیاځواکمنتیا مرکز؛ پر اوتیسم د اخته ماشومانو لپاره د درملنې نوې دریڅه

کابل کې د وینادرملنې او بیاځواکمنتیا تخصصي مرکز؛ هغه ځای چې پر اوتیسم اخته لسګونه ماشومان او هغه لویان چې له مغزي سکتې وروسته له ستونزو سره مخ شوي، ادراکي لوبې او د خبرې کولو مهارتونه په‌کې زده کوي.

رسنۍ د ښوونکي په رول کې؛ افغانستان کې د زده‌کړو برخه کې یو نوښت

یو شمېر زده‌کوونکي، ښوونکي او د پوهنې برخې مختصصین په هېواد کې د رسنیو له لارې د تعلیمي خپرونو وړاندې کېدل ستايي او د هغو د لا پراختیا غوښتنه کوي؛ بلخوا، د اطلاعاتو او فرهنګ وزارت هم د دغسې خپرونو پر ډېرېدو ټینګار کوي.

هرات ښار کې یو بېوزلی: د یوې ګولې ډوډۍ پیدا کولو لپاره اړ یم د خپل کور وسایل وپلورم

د هرات ښار «کندهار دروازې» ساحه کې د زړو جامو او زړو لوښو منځ کې ناست یو سړی چې له څېرې ستړی او غلی ښکاري، خپل نامعلوم راتلونکي ته فکر وړی دی؛ هغه د زرګونو راستنو شوو له ډلې یو دی چې کلونه یې په ایران کې کار کړی خو اوس د دې لپاره چې د خپلو اولادونو نسونه ماړه کړي، اړ دی د خپل کور وسایل او زړې جامې د ښار د سړکونو غاړو ته وپلوري.

ګلبشره؛ هغه ښځه چې په پنځه میاشتنۍ کې د یوې دښمنۍ د حل لپاره په بدو کې ورکړل شوې

نیمروز کې د ګلبشرې په نوم ۳۰ کلنه ښځه چې لا یې له زېږېدو پنځه میاشتې نه وې تېرې شوې، د دوو کورنیو ترمنځ د دښمنۍ پای ته رسېدو په موخه یوه ۲۰ کلن هلک ته په نوم شوه. هغه اوس له نورو میندو او پلرونو غواړي چې هيڅکله دې د خپلو لوڼو له برخلیک سره دا ډول معامله نه کوي.

کابل کې د یوې ښځې د ژوند بدلون؛ له طب څخه د معجون جوړولو تر کاروباره

کابل ښار کې د سوسن قاضي‌زاده په نوم یوې ښځې چې خپلې لوړې زده‌کړې یې په معالجوي طب کې کړې او په اګزیټ ازموینه کې له ګډونه پاتې شوې، اوس یې خپلو هیلو ته د رسېدو لپاره د معجون جوړولو او پلورلو کاروبار پیل کړی دی.

ډاکټران: په دودیز ډول د نوي زېږېدلي ماشوم د نوم درملنه خطرناکه تمامېدای شي

یو شمېر ډاکټران وايي، د هېواد په یو شمېر لرو پرتو سیمو کې اوس هم د نوي زیږېدلي ماشوم د ساتنې او پالنې برخه کې ناسم باورونه او رواجونه شته چې یو هم په دودیز یا غیرطبي ډول د نوي زېږېدلي ماشوم د نوم درملنه ده چې ډاکټران یې خطرناکه بولي.

«خاموشه حق»؛ بامیان کې یو شمېر ښځې لا هم د خپل مهر غوښتنه نه کوي

د بامیان په ګډون د هېواد په یو شمېر سیمو کې لا هم د ښځو غږ د خپلو لومړنیو حقونو تر لاسه کولو لپاره خاموشه دی. مهر د ښځو هغه شرعي او قانوني حق چې د نکاح تړلو پر مهال ټاکل کېږي خو دا حق ډېرو مېرمنو لپاره یوازې د نکاح پر پاڼه لیکل شوې یوه کلمه ده.

نور راپورونه