د کونړ د غازياباد ولسوالۍ د هیلګل درې یو شمېر اوسېدونکي وایي، د سیمې په روغتیایي مرکز کې یې هیڅ ښځینه ډاکټره نشته چې له امله يې ځینې میرمنې د زیږون پرمهال ژوند له لاسه ورکوي.
د چارو اداره وايي، د سرطاني ناروغیو درملنې روغتون لپاره چې خوست کې د ملي سوداګرو له خوا جوړېږي، سل جریبه امارتي ځمکه د دغه ولایت د عامې روغتیا ریاست ته سپارل شوې ده.
پر ولادي فیستولا اخته یو شمېر مېرمنې وايي، پر دې ناروغۍ له اخته کېدو وروسته د خپلو مېړونو له لوري له تاوتریخوالي سره مخ شوې او دغه کار دوی ته د سختو ټولنیزو او رواني ستونزو پیدا کېدو لامل شوی دی.
د افغاني سرې میاشتې ټولنه وایي چې د سوري زړه پر ناروغۍ د اخته ماشومانو یوه بله ډله هم پلازمېنه کابل کې ۶ کورنیو روغتونونو ته د درملنې په موخه ور وپېژندله.
غور کې پر نشهيي توکو روږدې یو شمېر ښځې وايي چې له دوی سره د ډېری خلکو چلند سم نه دی؛ سپکاوی ورته کېږي او ځینو مواردو کې ان فزیکي تاوتریخوالی ورسره کېږي.
د بغلان امنیې قوماندانۍ له نشهیي توکو سره د مبارزې مدیریت وايي، په تېرو ۱۸ میاشتو کې یې د پلخمري ښار له واټونو ۳۴۰۰ روږدي ټول کړي او د هغوی درملنه یې کړې ده.
د افغانستان د عامې روغتیا وزارت سرپرست د پاکستان د روغتیا له وزیر سره په لیدنه کې د افغان ناروغانو د ویزو ستونزې پر هواري او د ګوزڼ ناروغۍ د له منځه وړلو برخه کې د یوې واحدې پالیسۍ پر څرنګوالي او اړتیا خبرې کړې دي.
د عامې روغتیا وزارت وایي چې سرپرست وزیر ډاکټر قلندر عباد په رسمي سفر پاکستان ته رسېدلی د ی
پکتیا کې د روږدو درملنې روغتون پر بیا فعالېدو سره د ۱۲۰ کسانو درملنه شوې
په بلخ کې د ډاکټرانو له خوا د شفري نسخو لیکلو په تړاو د پژواک راپور له خپرېدو وروسته د دغه ولایت عامې روغتیا ریاست مسوولین وايي چې د شفري نسخو مخنیوي په موخه یې جدي اقدامات پيل کړي دي.
د هلمند د مارجې یو شمېر اوسېدونکي وایي، د دې ولسوالۍ په روغتیایي مرکزونو کې د درملو کمښت سربېره په سمه توګه روغتیایي خدمات نه وړاندې کېږي او دوی اړ دي چې خپل ناروغان لښکرګاه ښار ته بوځي.
د افغانستان د ملي دفاع وزارت وایي، د سردارمحمد داوودخان په ۴۰۰ بستریز روغتون کې د عصبي جراحۍ ټیم له لوري «ماغزو تومور» پیچلي عملیات په بریالیتوب ترسره شول.
د کونړ ولایت ماڼوګي ولسوالۍ اړوند لیچلام سیمه کې د دیارلسنیم میلیون افغانیو په لګښت د یوه روغتیایي مرکز د ودانۍ جوړېدو چارې پیل شوې.
د افغانستان د خوړو او درملو ملي اداره وايي، تېر ۲۰۲۳ میلادي کال یې د هېواد په کچه د ۶۷۰۰ قلمه درملو او ۷۰۰ ټنه بېکیفیته او تاریختېرو خوراکي توکو راټولولو او سوځولو ترڅنګ، د کابل ښار په کچه څه باندې ۸۹۰ درملتونونه تړلي دي.
جوزجان کې یو شمېر ډاکټرانو او روغتیایي مسوولینو د ډاکټر له سپارښتنې پرته په خپلسرې توګه د درملو کارولو پر ډېرېدو اندېښنه ښودلې، دا کار یې خطرناک بللې او سپارښتنه کوي چې د ډاکټر له مشورې پرته باید هیڅ ډول درمل ونه کارول شي.
بغلان کې د عامې روغتیا ریاست له لورې د روغتیايي قوانینو د تطبیق په موخه د ډاکټرانو پنځه بېاسناده کتنځایونه او ۱۴ درملتونونه تړل شوي دي.
د سمنګان د کلیوالي سیمو ځيني اوسېدونکي په دوکانونو کې د خپل سري درملو پلورل د اندېښنې وړ بولي او وایي چې له کلونو راهیسې دا ستونزه شته، خو د حل لپاره یې اقدام نه دی شوی.
د بامیان یو شمېر خلک او کارپوهان د ډبرو سکرو د ډېرې استفادې د منفي اغیزو له امله اندېښمن دي او وايي، د ډبروسکرو پروسس او کارول د تنفسي ناروغیو ډېرېدو او د چاپېریال ککړتیا لامل شوي دي.
په کونړ ولایت کې د ملګرو ملتونو د ماشومانو ملاتړ صندوق له لوري د څه باندې ۱۳ میلیون افغانیو په ارزښت له ۶۲ روغتیایي مرکزونو سره د درملو، طبي او غیرطبي توکو مرسته وشوه.
د هلمند په کجکي ولسوالۍ کې د یوه ملي سوادګر له لوري د ۷۵۰ زره امریکایي ډالرو په لګښت نوی جوړ شوی روغتون ګټې اخیستنې ته وسپارل شو.
د عامې روغتیا وزارت وایي چې د افغانستان لپار د جاپان سفیر د عامې روغتیا له وزیر سره په لیدنه کې د افغانستان د روغتیا له سکټور سره د خپل هېواد همکاریو په دوام ټینګار کړی دی.
د عامې روغتیا وزارت وايي چې د دغه وزارت سرپرست د مالیزیا له پخواني لومړي وزیر سره په لیدنه کې د سوداګرۍ پر پراختیا او له دغه هېواده د افغان ګرځندویانو د لیدنې په اړه خبرې کړې دي.
ډاکټران وايي، د هوا په سړېدو سره د تنفسي ناروغیو خپرېدو کچه لوړېږي چې په ځینو مواردو کې په ناروغ کې د سینوزیت رامنځته کېدو لامل هم ګرځي او په دې ناروغۍ اخته کس باید د ماسک کارولو ترڅنګ، ځان ګرم وساتي او ګرم مایعات وڅښي.
د افغانستان عامې روغتیا وزارت سبا (دوشنبه) د هېواد په ۲۰ ولایتونو کې د ګوزڼ واکسین فرعي کمپاین له پیلېدو خبر ورکوي او له خلکو غواړي چې د دې ناروغۍ د له منځه تلو لپاره خپل له پنځو کلونو کم عمره ماشومان واکسین کړي.
