دین او کلتور

د کندهار سیمه‌ییز ‌مسوولین وایي، په دغه ولایت کې ‎«کتاب د علم ځولۍ» په نوم د کتابونو درې ورځنی نندارتون پرانیستل شو.

د اطلاعاتو او فرهنګ وزارت وایي، د رسنیو په خپرونو کې د ملي او اسلامي هویت د تثبیت او ټینګښت په موخه د الفاظو، اصطلاحاتو او القابو د اصولي کارونې لپاره کمېټه وټاکل شوه.

د غور د اطلاعاتو او فرهنګ ریاست په دغه ولایت کې د تاریخي ابدو د وضعیت ارزونې لپاره د ډیجیټل دستګاوو نصبولو خبر ورکوي او وايي چې تېرو په څه باندې درېیو کلونو کې په غور کې ۲۰۰ تاریخي ابدې او لرغوني ځایونه پېژندل او ثبت شوي دي.

د کابل په سروبي ولسوالۍ کې د «سروبي» په نوم یوې نوې اېف‌اېم راډیو خپرونې پیل کړې.

د ارشاد، حج او اوقافو وزارت وایي، د اسلامي امارت د مشرتابه له هدایت سره سم یې د هېواد په ۳۳۴ لویو نظامي مرکزونو کې د قرآن‌کریم د ترجمې او تفسیر دورې پیل کړې.

د ارشاد، حج او اوقافو وزارت سرپرست په کابل کې د سعودي عربستان له سفیر سره په ليدنه کې له هغه غوښتي چې په راتلونکي کې د افغانستان لپاره د حاجیانو سهمیه ډېره او د عمرې ادا کولو برخه کې لا نورې اسانتیاوې برابرې کړي.

د لوګر ولایت د اطلاعاتو او فرهنګ ریاست وایي چې د اطلاعاتو او فرهنګ وزارت د حکم له مخې، هېڅوک نه شي کولای د اسلامي او افغاني ارزښتونو خلاف کتابونه چاپ او وپلوري.

د بلخ پوهنې ریاست مسوولین وایي چې د دغه ولایت مرکز مزارشریف ښار کې د شمال زون په کچه د قران‌کریم حافظانو ترمنځ د حسن قرائت سیالۍ ترسره شوې.

د بلخ اوسېدونکي او لرغون‌پوهان وایي چې د دغه ولایت لرغوني اثار په کانټینرونو کې ساتل کېږي او له حکومته غوښتنه کوي چې د خوندیتوب په موخه دې ورته معیاري او مجهز موزیم جوړ کړي.

د رسنیو یو شمېر مسوولینو کابل کې په یوه غونډه کې وویل چې واک ته د اسلامي امارت د رسېدو د لومړیو وختونو په پرتله اطلاعاتو ته د لاسرسي برخه کې ښه‌والی راغلی خو اوس هم دې برخه کې ځینې ستونزې شته.

د بهرنیو چارو وزارت سیاسي مرستیال وایي، اوسني عصر کې رسنۍ او وياندويان د ټولنې او هېواد اشد ضرورت دي، دا ډګر بايد ډېر پياوړی اوسي او له هر ډول شرایطو سره د مقابلې جوګه شي.

د اطلاعاتو او فرهنګ وزارت د خپرونو مرستیال د وزارتونو او خپلواکو ادارو ویاندویانو ته د یوه روزنیر سمینار پر مهال رسنۍ د نظام مهمه برخه بللې او ویلي یې دي چې ویاندویان باید له رسنیو او خبریالانو سره نږدې او صمیمي اړيکي ولري.