امنیت او جرمونه

د کونړ ځينې اوسیدونکي وايي، تېره شپه پاکستان د دغه ولایت د سرکاڼو او شلتن ولسوالیو پر ځینو سیمو راکټي بريدونه کړي چې له امله یې ډېرې کورنۍ د خپلو کورونو پرېښودو ته اړ شوې او افغان ځواکونو هم ځوابي بريدونه کړي دي.

د بښنې نړۍوال سازمان یو ځل بیا له پاکستانه غوښتي چې نړۍوالو قوانینو ته باید ژمن پاتې شي او د افغان پناه‌غوښتونکو ځورول او نیول ودروي.

د خوست امنیه قومانداني وایي، د دغه ولایت په باک ولسوالۍ کې یوه کس خپل دوه وروڼه په ډزو وژلی او ورېندار یې ټپي کړې ده.

د سي‌اېن‌اېن د راپور له مخې، امریکا ګوانتانامو کې د یوه افغان بندي د خوشي کولو په بدل کې افغانستان کې «د درېیو بندي امریکایانو» د خوشي کولو وړاندیز کړی.

د بغلان امنیه قومانداني وایي چې د دغه ولایت په مرکزي بغلان ولسوالۍ کې ‎د ناپېژانده کسانو له خوا پر دوو دیني عالمانو برید کې یوه ژوند له لاسه ورکړی او بل ټپی شوی دی.

د خوست امنيه قومانداني وايي چې په تېرو شپږو مياشتو کې يې ۳۳۴ کسان د بېلابېلو جنايي جرمونو په تړاو نيولي دي.

د افغانستان ستره محکمه وایي، کابل او نورستان ولایتونو کې د دوو ښځو په کډون درېیو کسانو ته تعزیري سزا ورکړل شوه.

د کورنیو چارو وزارت وایي، کابل کې یې د انسان‌تښتوونکو هغه ډله نیولي چې د هېواد دننه او ایران کې به یې خلک برمته کول او بیا به یې د هغوی له کورنیو پیسې غوښتې.

د راپورونو له مخې، په اسلام اباد کې د جرمني سفارت د دویم سکرتر توماس فیلډر مړی موندل شوی دی.

د افغانستان ستره محکمه وایي چې د زابل ولایت په دایچوپان ولسوالۍ کې یوه کس ته تعزیري سزا ورکړل شوه.

د ننګرهار د اطلاعاتو او فرهنګ رياست وايي، په تورخم کې د پاکستان له لوري هغه ۵۴ افغان کډوال افغان لوري ته وسپارل شول چې د قانوني اسناد نه لرلو له امله په دغه هېواد کې نیول شوي وو.

د بلوچستان په تربت ښار کې د پولیسو پر یوه بس موټرچاودنه شوې چې له امله څلور تنه وژل شوي او ۳۲ تنه نور ټپیان دي.