فراه کې نږدې سل جریب کوکنار له منځه وړل شوي
د فراه امنیه قومانداني وايي چې د دغه ولایت په دوو ولسوالیو کې د کوکنارو ۹۸ جریب کښت او ۱۵۹۳ کیلوګرامه نشهيي توکي له منځه وړل شوي دي.
امنیت او جرمونه
راپورونه
جوزجان کې ناپېژانده وسلهوالو د یوه خصوصي شرکت دوه کارکوونکي وژلي
د اسلامي امارت ویاند وایي، په جوزجان ولایت کې ناپېژانده وسلهوالو د یوه خصوصي شرکت دوه کارکوونکي وژلي او هغه اوازې ناسمې دي چې دغه کسان د قوشتېپې کانال کارکوونکي دي.
بلخ کې تښتول شوی ماشوم وژغورل شو
کورنیو چارو وزارت وايي، بلخ کې تښتول شوی ماشوم وژغورل شو او له پولیسو سره نښته کې له تښتوونکو یو تن وژل شوی او پنځه نور مشکوک کسان نیول شوي دي.
لوګر کې څلور تولیدي شرکتونه د غیرمعیاري فعالیت له امله تړل شوي
د لوګر د صنعت او سوداګرۍ ریاست وایي چې د دغه ولایت په مرکز پلعلم او ولسوالیو کې د خوراکي او غیرخوراکي توکو تولیدي شرکتونو څارنه پيل شوې او تر اوسه څلور یې د غیرمعیاري فعالیت له امله تړل شوي دي.
فاریاب کې په درېیو جلا پېښو کې شپږو کسانو ته مرګژوبله اوښتې ده
فاریاب کې سیمهییزې سرچینې وايي چې د دغه ولایت په خواجهسبزپوش، خیبر او لولاش ولسوالیو کې په درېیو جلا پېښو کې درې کسان مړه او د دوو ماشومانو په ګډون درې نور ټپیان شوي دي.
د غزني اهل هنود او سیکان: د تېرو جګړو پر مهال مو ملکیتونه غصب شوي
د غزني ولایت یو شمېر اهل هنود او سیکان ادعا کوي چې د تېرو کورنيو جګړو پر مهال یې ځمکې او نور ملکیتونه غصب شوي او ټینګار کوي چې بېرته دې ورته وسپارل شي.
کابل ښار کې یو کس د څه باندې شپږ میلیون افغانیو د غلا په تور نیول شوی
د کورنیو چارو وزارت وايي چې د کابل ښار شپاړسمې امنیتي حوزې مربوطاتو کې یو کس د شپږ میلیون او ۱۹۴ زره افغانیو د غلا په تور نیول شوی دی.
کونړ کې چاودنې څلور کسان ټپیان کړي
د کونړ امنیتي مسوولین وایي نن د دغه ولایت د مرکز اسعداباد ښار لومړۍ حوزې مربوطاتو کې د یوه ځای پرځای شوي ماین د چاودنې له امله څلور ملکي کسان ټپیان شوي دي.
فاریاب کې د دوو ماشومانو تښتونې په تړاو نهه کسان نیول شوي
فاریاب ولایت کې امنیتي ځواکونو د غزني د امنیه قوماندان زوی او خوریی له تښتوونکو ژغورلي او په تړاو یې نهه کسان نیولي دي.
لوګر کې د هاوان سرګلولې چاودنې یو تنکی ځوان وژلی
د لوګر امنیه قومانداني وایي چې د دغه ولایت په مرکز پلعلم کې د هاوان یوې سرګلولې چاودنې له امله یو تنکی ځوان وژل شوی دی.
کابل کې د یوه سوداګر دوه اولادونه له انسانتښتوونکو ازاد شول
د کابل امنیه قومانداني وایي، د درېیمي امنیتي حوزې اړوند کارته سخي سېمه کې یې دوه تنه د انسان تښتوونکو له منګولو ژغورلى او په تړاو یې یو انسانتښتونکی نیول شوی دی.
د هرات چارواکي: هغه ډله ونیول شوه چې د ګذرې ولسوالۍ یوه جومات کې یې پر لمونځکوونکو ډزې کړې وې
د هرات ولایت مقام وایي، هغه ډله کسان نیول شوي چې شاوخوا یوه میاشت مخکې یې د دغه ولایت ګذرې ولسوالۍ یوه جومات کې پر لمونځکوونکو ډزې کړې وې او اوو کسانو ته یې مرګژوبله اړولې وه.
تېره اونۍ افغانستان کې بېلابېلو پېښو کې ۱۱ کسان وژل شوي او دوه نور ټپیان وو
تېره اونۍ، روسي چارواکو د ا.ا په اړه مثبتې څرګندونې وکړې، د م.م ځینو چارواکو یو ځل بیا افغانستان کې د ښځو پر وضعیت اندېښنه وښوده، خو ا.ا وایي، د شریعت په چوکاټ کې د ټولو حقونه خوندي دي او اروپایي ټولنې وویل، له افغانستان سره لس میلیونه یورو مرسته کوي.
میدانوردګو کې د کوچیانو خپلمنځي شخړه کې دوو کسانو ته مرګژوبله اوښتې ده
د میدانوردګو امنیه قومانداني وایي، د دغه ولایت د سیداباد ولسوالۍ اړوند د شېخاباد درې په زرني سیمه کې د ځايي کوچیانو ترمنځ خپلمنځي شخړه کې یو کس وژل شوی او یو بل سخت ټپي دی.
امنیه قومانداني: مزارشریف ښار کې دوه وسلهوال غله وژل شوي
د بلخ امنیه قومانداني وایي چې د دغه ولایت مرکز مزارشریف ښار کې له امنیتي کسانو سره په نښته کې دوه وسلهوال غله وژل شوي دي.
بلخ کې یو تعویذګر ملا وژل شوی
د بلخ په مرکز مزارشریف ښار کې یو تعویذګر ملا په خپل کور کې وژل شوی او له دې پېښې سره په تړاو د هغه مېرمن نیول شوې ده.
مجاهد: پر چینایانو د برید په تړاو د پاکستان څرګندونې د افغانستان او چین ترمنځ د باور له منځه وړلو هڅه ده
د ا.ا ویاند خیبرپښتونخوا کې پر چینایي وګړو د برید په تړاو د پاکستان اعلامیې ته په غبرګون ویلي، دغه مساله له افغانستان سره هیڅ تړاو نه لري او په دې اړه د پاکستان څرګندونې د افغانستان او چین ترمنځ د باور له منځه وړلو هڅه ده.
ننګرهار کې تېره میاشت د بېلابېلو پېښو په تړاو ۱۵۷ کسان نيول شوي
د ننګرهار امنيه قومانداني وايي، تېره مياشت په دغه ولايت کې د جنايي او نورو پېښو په تړاو ۱۵۷ کسان نیول شوي دي.
امنیه قومانداني: بلخ کې تېر کال د ځانوژنې ۳۰ پېښې ثبت شوې دي
د بلخ امنیه قومانداني وایي چې په ۱۴۰۲ کال کې په دغه ولایت کې د ځانوژنې ۳۰ او د انسانتښتونې پنځه پېښې ثبت شوې دي.
امنیتي سرچینې: هرات کې پنځه کسان چې غوښتل یې یو صراف وتښتوي، نیول شوي
هرات کې امنیتي سرچینې وايي، د دغه ولایت په کشک رباط سنګي ولسوالۍ کې پنځه وسلهوال کسان چې غوښتل یې یو صراف وتښتوي، د امنیتي ځواکونو له لوري ونیول شول.
فراه کې یو ځوان په ډزو وژل شوی
د فراه امنیه قومانداني وايي، تېره ورځ د دغه ولایت په فراهرود ولسوالۍ کې یو ځوان په ډزو وژل شوی او په تړاو یې یو کس هم نیول شوی دی.
تېر یوه کال کې کندوز کې څه باندې سل زره جریب غصب شوې ځمکه راګرځول شوې ده
د کندوز د کرنې ریاست وايي، په تېر یوه کال کې د ځمکو د غصب مخنیوي کمېسیون د دغه ولایت په یو شمېر سیمو کې ۱۱۰ زره جریب غصب شوې ځمکه بېرته راګرځولې ده.
نورستان کې د څرځای پر سر وسلهواله نښته؛ دوه کسان وژل شوي او یو بل ټپي دی
د نورستان امنیتي مسوولین وایي چې د دغه ولایت په وانټوایګل ولسوالي کې د دوو کلیو اوسېدونکو ترمنځ د څرځای پر سر وسلهواله نښته شوې چې په پایله کې یې دوه کسان وژل شوي او یو بل ټپي دی.
غور کې یوه کس خپل خسر وژلی
د غور امنیتي مسوولین وايي، د دغه ولایت په تېوره ولسوالي کې یوه زوم خپل خسر د چاقو په ګوزارونو وژلی دی.
