امنیت او جرمونه

د افغانستان ملي دفاع وزارت وایي، هغه مکتوب جعلي دی چې ځینو رسنیو خپور کړی او له مخې یې ادعا کړې چې د چین په همکارۍ په بګرام کې د بې‌پیلوټه الوتکو ضد سیستم فعالېږي. 

د ننګرهار امنیه قومانداني وايي چې په جلال‌اباد ښار او ولسوالیو کې ۳۷۰ کیلوګرامه نشه‌یي توکي کشف او ترلاسه شوي او په تړاو یې شپږ کسان هم نیول شوي دي.

د افغانستان د مالیې وزارت وايي، د تورخم په ګمرک کې یې هېواد ته  راوړل کېدونکي بېلابېل ډول نظامي تجهیزات نیولي او ورسره په تړاو یو کس هم نیول شوی دی.

نیمروز کې ځايي مسوولین وايي چې د دغه ولایت په مرکز زرنج ښار کې څه باندې ۷۰۰ د موسیقۍ الې او قیلونونه سوځول شوي دي.

د فراه امنیه قومانداني وايي چې د دغه ولایت په بکواه ولسوالۍ کې ۲۸۸۵ کیلوګرامه نشه‌يي توکي کشف او له منځه وړل شوي دي.

د اروزګان امنیتي مسوولین وايي، تېره شپه یې د دغه ولایت په دوو ولسوالیو کې د نشه‌یي توکو دوه کارخونې کشف کړې او څلور زره کیلوګرامه ترلاسه شوي نشه‌یي توکي یې سوځولي دي.

د غزني امنیه قومانداني وایي، د دغه ولایت په ګیلان ولسوالۍ کې د دوو کورنیو ترمنځ د ځمکې پر سر شخړه کې یو کس وژل شوی دی.

زرنج (پژواک، ۶ زمری ۱۴۰۳): نیمروز کې یوه امنیتي سرچینه وايي چې د دغه ولایت د چهاربرجک ولسوالۍ په سرحدي سیمه کې ایران هېواد ته

د بادغیس ځایي مسوولین وایي چې د دغه ولایت په قادس ولسوالۍ کې د ناپېژاندو وسله‌والو له خوا یو قومي مشر وژل شوی او په دې تړاو یو کس نیول شوی دی.

سمنګان کې امنیتي سرچینې وايي چې د دغه ولایت په دره‌صوف بالا ولسوالۍ کې د وسله‌والو غلو یوه ډله له امنیتي ځواکونو سره له یو ساعت نښتې وروسته ونیول شوه.

سرچینې وايي، د کندهار د غورک ولسوالۍ د صورت خان کارېز په سیمه کې د یوې ښځې مړی موندل شوی دی.

د کورنیو چارو وزارت سرپرست وايي چې په افغانستان هيڅ داسې ځواک نشته چې ا.ا تهدید کړي، په هېواد کې شته ټولې وسلې او پوځي تجهیزات د رسمي تشکیلاتو له مخې د مسوولو امنیتي ځواکونو په لاس کې دي.