لوبې

د افغانستان کرکټ بورډ وایي چې په هېواد کې د کرکټ لوبې د لا پرمختګ لپاره یې ۳۰ لومړۍ درجه روزنکو ته دویمه درجه روزنیز کورس پیل کړی دی.

د افغانستان د المپيک، بدني روزنې او سپورت کمېټې عمومي ریاست وايي، د هېواد د قوت‌الرمي ملي فدراسیون پنځه ورزشکاران د دې څانګې نړۍوالو سياليو کې د ګډون په موخه ازبکستان ته تللي دي.

د افغانستان د بیسبال فدراسیون وایي، د هېواد د بیسبال ملي لوبډله د اماراتو په کوربه‌توب د عرب کلاسیک بیسبال سیالیو کې ګډون کوي او ۱۴کسیزه لوبډله یې هم ورته اعلان کړې ده.

د افغانستان المپیک ملي کمېټې له لوري د لوګر ولایت په کوربه‌توب د ۱۴ ولایتونو ترمنځ د پانګرېشن سیالۍ پیل شوې چې پنځه ورځې به دوام وکړي.

د افغانستان کرکټ بورډ د ۱۹ کلونو کم‌عمره اسیام جام سیالیو او د پاکستان او اماراتو د لوبډلو پر وړاندې د درې اړخیزو سیالیو لپاره ۱۸ کسیزه افغان لوبډله اعلان کړ.

د غزني د بدني روزنې او ورزش امریت وايي چې په دغه ولایت کې د پنځو ولایتونو د ۳۱۲ لوبغاړو ترمنځ د نیزه‌وهنې سیالۍ ترسره شوې.

د افغانستان کرکټ بورډ وایي، افغان ملي لوبډله به د روان کال په ‌ډسمبر میاشت کې د زېمبابوې په کوربتوب د نړۍوالو شل اوریزو، یو ورځنیو او ټېسټ سیالیو بشپړه لوبلړۍ ترسره کړي.

د غزني بدني روزنې او ورزش ادارې مسوولین وایي، د دغه ولایت په مرکز  کې د ۱۶ لوبډلو ترمنځ د والیبال سیالۍ چې یوه میاشت مخکې پیل شوې وې، د اتحاد لوبډلې په اتلولۍ پای ته ورسېدې.

د افغانستان د کرکټ الف (افغان ابدالیان) لوبډله د ځوانانو اسیا جام سیالیو د اتلولۍ له ګټلو وروسته نن سهار بېرته هېواد ته راستنه شوه.

د ریاست‌الوزرا د سیاسي معاونیت په ګډون یو شمېر اوسني او پخوانيو چارواکو او د هند د کرکټ بورډ اوسني او د کرکټ نړۍوالې شورا راتلونکي مشر د ځوانانو اسیا جام سیالیو کې د کرکټ الف لوبډلې د اتلولۍ مبارکي ورکړې او لوبغاړو ته یې د نورو بریاوو هیله څرګنده کړې ده.

د افغانستان الف (افغان ابدالیان) لوبډلې د سریلانکا الف لوبډلې ته په ماتې ورکولو سره په لومړي ځل د ځوانانو اسیا جام سیالیو اتلولي وګټله.

د افغانستان له ۱۷ کلونو کم‌عمره فوټبال ملي لوبډلې بنګله‌دېش ته په ماتې ورکولو سره د ۲۰۲۵ کال د اسیا د ملتونو جام سیالیو ته لار ومونده.