اجمد صهیب حسرت

د کورنیو چارو وزارت وايي، د ا.ا له واکمنېدو راهيسې په ټول هېواد کې د څه باندې ۱۱۵ زره روږدو درملنه شوې، د نشه‌یي توکو د تولید ۱۳۱۵ فابریکې ویجاړې شوې او څه باندې ۲۱۷ زره هکتاره کوکنار له منځه وړل شوي دي.

په کابل کې د جاپان سفیر د عامې روغتیا وزارت له سرپرست سره لېدنه کې ویلي، هېواد به یې د تېر په څېر د افغانستان د روغتیا له برخې سره خپلو همکاریو ته دوام ورکړي.

سیمه‌ییز مسوولین وایي، د بادغیس ولایت په ابکمري ولسوالۍ کې د موټر چپه کېدو له امله دوه کسان مړه او څلور نور ټپیان شوي دي.

د کورنیو چارو وزارت وایي، په هرات کې یوه ماشومه له انسان‌تښتوونکو ژغورل شوې او په تړاو یې دوه ښځې نیول شوې دي.