احمد صهیب حسرت

د عامې روغتیا وزارت سرپرست د بلاروس د عامې روغتیا وزارت له مرستیال سره په لیدنه کې د هېوادونو په کچه د درملو پېرلو، دوه اړخیزې همکارۍ او د روغتیايي پرسونل ظرفیت لوړولو په اړه خبرې کړې.

د لوړو زده‌کړو وزارت وایي، د هېواد په ۳۱ ولایتونو کې له ۲۶ زره کسانو څخه د عالمیې او عالیې مرحلو ازموینې پيل شوې.

د عامې روغتیا وزارت وایي، سږ کال د ژمي له پیل تر اوسه روغتیایي مرکزونو ته ۸۹۴ کسان د ګازنیونې له امله وروړل شوي چې ۲۴ تنو یې خپل ژوند له لاسه ورکړی دی.

د افغانستان بانک سبا (یکشنبه) د داوطلبۍ له لارې ۱۶ میلیون امریکايي ډالر لیلاموي.

د امریکا متحده ایالتونو د کالیفورنیا ایالت د لاس‌انجلس په ځینو سیمو کې لا هم اورلګېدنه دوام لري او په دغو سیمو کې د کورونو د لوټل کېدو په اړه د اندېښنو له امله د شپې لخوا ګرځبندیز اعلان شوی دی.

د افغان سولې لپاره د امریکا پخوانی ځانګړی استازی وایي، پاکستان کې د نجونو پر زده‌کړو د اسلامي همکاریو سازمان د غونډې موخه له افغان ښځو سره خواخوږي نه، بلکې له ا.ا سره د روانې تبلیغاتي جګړې یوه برخه ده.

د بهرنیو چارو وزارت وایي، د دغه وزارت سرپرست د متحده عربي اماراتو له بهرنیو چارو وزیر سره په لېدنه کې پر دوه اړخيزو اړيکو، د اقتصادي همکاريو پراختيا او سيمه‌ييزو مسايلو خبرې وکړې.

د افغانستان بهرنیو چارو وزارت وایي، د دغه وزارت سرپرست په متحده عربي اماراتو کې د هند د بهرنیو چارو وزارت له مرستیال کتلي او دواړو لوریو د ویزو او سوادګرۍ په برخه کې د اسانتیاوو په راوستلو هوکړه کړې ده.

د اطلاعاتو او فرهنګ وزارت سرپرست د اروپایي ټولنې له شارژدافیرې سره په ليدنه کې ویلي چې په هېواد کې د فرهنګي میراثونو ساتنه د افغانانو او نړۍوالو ګډ مسوولیت دی او په دغه برخه کې باید له افغانستان سره مرسته وشي.

د ریاست‌الوزراء سیاسي مرستیال په کابل کې د ایران له سفیر سره په لیدنه کې ویلي، د افغانستان او ایران ترمنځ د حقابې مسئله په تفاهم سره حل شوې او په دې برخه کې غیرمسوولانه څرګندونې د دواړو هېوادونو پر اړیکو منفي اغېز کولای شي.

د کورنیو چارو وزارت وایي، کابل کې یې د انسان‌تښتوونکو هغه ډله نیولي چې د هېواد دننه او ایران کې به یې خلک برمته کول او بیا به یې د هغوی له کورنیو پیسې غوښتې.

د راپورونو له مخې، په اسلام اباد کې د جرمني سفارت د دویم سکرتر توماس فیلډر مړی موندل شوی دی.