بنیامین بارز

هرات کې ځايي مسوولین د دغه ولایت په ګمرک کې د اورلګېدنې لامل تخنیکي ستونزه ګڼي او وايي، د دې پېښې له امله سوداګرو او موټرلرونکو ته درانه مالي زیانونه اوښتي دي.

د هرات حوزوي روغتون مسوولین وایي چې د دغه روغتون د مراجعینو په شمېر کې د پام وړ ډېروالی راغلی خو د بودجې کمښت له امله د پراختیا او غوره خدماتو وړاندې کولو برخو کې له ستونزو سره مخ دي.

د هرات په لرو پرتو سیمو کې مالداري د کوچیانو اساسي اقتصادي فعالیتونه یادېږي، خو په دغه ولایت کې یو شمېر کوچیان وایي، د حیواني درملو برخه کې له جدي ستونزو سره مخ دي او ملاتړ یې نه کېږي.

د هرات ځایي مسوولین وایي چې د دغه ښار د لسمې ناحیې مربوطاتو کې د ۱۳،۵ میلیون افغانیو په لګښت یو کانال او یو استنادي دېوال جوړیږي.

د هرات ځایي سرچینې وایي چې د دغه ولایت په ادرسکن ولسوالۍ کې د یوې ترافیکې پېښې له امله د یوې کورنۍ اووه غړي مړه شوي دي.

د هرات د کشک‌کهنه ولسوالۍ يو شمېر اوسېدونکي وايي، د امکاناتو نشتوالى او روغتيايي خدمتونو ته کم لاسرسى هغه ستونزې دي چې د دې ولسوالۍ خلک ورسره مخ دي.

د هرات ښاروالي وايي چې د دغه ښار له فرقې تر کاریزک د شمال لین سړک د دویمي لایې پخولو چارې پیل شوې.

د هرات د کرنې، اوبولګولو او مالدارۍ ریاست مسوولین وایي چې د چرګانو فارمونو په ډېرېدو سره، دغه ولایت د چرګو هګیو د تولید له اړخه پر ځان بسیاینې ته رسېدلی او په هرات کې د ورځې تر یو میلیون ډېرې هګۍ تولیدیږي.

د هرات د رباط سنګي ولسوالۍ یو شمېر اوسېدونکي په دې ولسوالۍ کې د څښاک پاکو ته له نه لاسرسي شکایت کوي او وایي، له ناپاکو اوبو استفادې له ګڼو ستونزو سره مخ کړي دي.

د هرات د کرنې، اوبولګولو او مالدارۍ ریاست وایي، امنیتي ځواکونه په ګرځنده او ثابت ډول ګومارل شوي څو په دغه ولایت کې د پستې ځنګلونو ساتنه وکړي او خلک پرې‌ نه ‌ږدي چې له ټاکلي وخت مخکې یې حاصلات ټول کړي.

هرات کې د بکسونو یو شمېر تولیدوونکي د خپلو محصولاتو د پلور بازار پر پیکه کېدو اندېښنه ښودلې او وایي که ملاتړ یې ونه ‌شي اړ دي خپل فعالیتونه ودروي.

د هرات د اسلام‌کلا بندر مسوولین او د ترانزیټي شرکتونو استازي وايي چې د دغه بندر له لارې د صادراتو کچه د پام وړ لوړه شوې او د توکو ترانزیټ لپاره نوې اسانتیاوې هم رامنځته شوې دي.