خالد ذهین

د سوېل‌ختيځ زون په څلورو ولايتونو کې د لسګونو کوچنيو او منځنیو متشبثينو او لسو کنسرسيومونو د مالي ملاتړ پروګرام پيل شو.

د پکتیا په سیدکرم ولسوالۍ کې د مسوولينو، قومي مشرانو او علماوو په منځګړيتوب د دوو کورنیو ترمنځ سل کلنه دښمني پای ته ورسېده.

پکتيا ته له پاکستانه یو شمېر تازه راستنې شوې کورنۍ د پاکستاني پولیسو د ناوړه چلند ترخې کیسې کوي او وایي، دا مهال په پردیو کورونو کې اوسېږي او له حکومته غواړي چې د سرپناه برابرولو کې ورسره مرسته وکړي.

د پکتيا امنيه قومانداني وايي چې د دغه ولایت په زرمت ولسوالۍ کې د يوې پخوانۍ سرګلولې چاودنې له امله څلور ماشومان او يوه مېرمن ټپيان شوي دي.

پکتیا کې یو شمېر هغه کروندګر چې شنې خونې یې جوړې کړې، د خپلو دغو خونو له حاصلاتو خوښ دي خو وايي چې حکومت او اړوند موسسې دې د مسلکي کسانو د روزنې او نباتي ناروغیو مخنیوي برخو کې مرسته ورسره وکړي.

د پکتيا امنيه قومانداني وايي چې د دغه ولایت په احمدخېلو ولسوالۍ کې یې د نشه‌یي توکو درې کارخونې کشف کړې او ۷۳۰ کیلوګرامه چرس یې نیولي دي.

د یوناما مشرې د پکتیا له مرستیال والي سره په لیدنه کې ژمنه کړې چې د کوچنيو سوداګريو پياوړتيا، پوهنې، کرنې او کډوالو ته د اسانتياوو برابرولو برخو کې به نړۍوالې مرستې راجلب او په دې برخه کې به هڅې لا زیاتې کړي.

د پکتیا سیمه‌ییز مسوولین وایي، په دغه ولایت کې ۲۸۰ ځوانانو ته د حرفوي زده‌کړو شپږ میاشتنی پروګرام پيل شو.

د پکتيا د سيدکرم او جاني‌خېلو يو شمېر اوسېدونکي وايي، په دغو ولسوالیو کې د دوو ۳۰ بستريزو روغتونونو ودانیو جوړولو چارې چې د تېر حکومت پر مهال پیل شوې وې، لا هم نیمګړې پاتې دي او غوښتنه کوي چې باید بشپړې شي.

د پکتيا سیمه‌ییز مسوولین وایي، د دغه ولایت په زرمت ولسوالۍ کې د ۲۸ لوبډلو ترمنځ د کرکټ اختريز جام سيالۍ د جهانګير لوبډلې په بريا پای ته ورسېدې.

د پکتیا امنیه قومانداني وایي، د دغه ولایت په احمدابا ولسوالۍ کې ۵۰۳ کیلوګرامه خام چرس نیول شوي دي.

د عامې روغتیا وزارت وایي چې د پکتیا ولایت په حوزوي روغتون کې د لومړي ځل لپاره په پنځو برخو کې د تخصص پروګرام پیل شو.