سیف الله مفتون

غزني (پژواک، ۳۰ غويی ۱۴۰۱): د غزني ولایت د مرکز لومړۍ ناحیه کې د چاودېدونکو توکو چاودنې له امله دوو ماشومانو مرګ ژوبله اوښتې ده.

په غزني ښار کې یوه کس خپل خسر په ډزو وژلی او خواښې یې ټپي کړې ده.

د کورنیو چارو وزارت وايي، په غزني ولایت کې یې د عملیاتو په لړ کې درې کسان په یوې لارۍ کې له بار وسلو سره نیولي چې غوښتل یې پاکستان ته یې قاچاق کړي.

د غزني امنیې قوماندانۍ او ښاروالۍ په دغه ولایت کې له ۱۱ کانټینرونو او ۵ ګودامونو څخه سلګونه ټنه تاریخ تېر او بې کیفیته خوراکي او غېر خوراکي توکي تر لاسه کړي او په تړاو یې ۸ کسان نیولي دي.

په غزني کې یوه سوداګر د نجونو او هلکانو له یوه لومړني دولتي ښوونځي سره د خېمو، درسي توکو او قرطاسیې مرسته وکړه.

د غزني اوسېدونکي وايي، په سږنۍ روژه کې د خوراکي توکو بیې په بې سارې توګه لوړې شوې او ډېر خلک یې د پېرلو توان نه لري.

د غزني اوسېدونکي له نوي سرپرست حکومته غواړي چې په دغه ولایت کې د هغو رغنیزو پروژو درېدلي کارونه بېرته پیل کړي چې د تېر حکومت پر مهال پیل شوې وې او اوس نیمګړې پاتې دي.

چارواکي وايي، د غزني موزیم د یو شمېر هغو تاریخي اثارو رغونه یې پیل کړې چې د وخت په تېرېدو زیانمن شوي وو.

د غزني د اندړو ولسوالۍ کروندګر وايي، سږ کال ورښتونه نشته او کښتونه یې اوبو ته اړتیا لري، چارواکي باید د سردې بند اوبه خوشې کړي.

. . .

د غزني امنيه قومانداني وايي، په تېرو شپږو میاشتو کې یې د بېلابېلو جرمونو په تور ۱۹۰ کسان نیولي دي.

په غزني کې د ګازنیونې له امله د یوې کورنۍ درې غړي (پلار، زوی او نږور) مړه شوي دي.