غزني (پژواک، ۲۶ غویی ۱۴۰۱): په غزني ښار کې یوه کس خپل خسر په ډزو وژلی او خواښې یې ټپي کړې ده.
پېښه تېره شپه د غزني ښار په قلعه شهدا سیمه کې شوې ده.
د غزني د امنیه قوماندانۍ مطبوعاتي دفتر یوه چارواکي چې نه یې غوښتل نوم یې یاد شي، پژواک خبري اژانس ته وویل، پېښه د کورني تاوتریخوالي له امله رامنځته شوې ده.
سرچینې زیاته کړه: «د غزني ښار په قعله شهدا سیمه کې یوه کس د کورنیو ستونزو له امله خپل خسر په ډزو وژلی او خپله خواښې یې ټپي کړې ده.»
د قوماندانۍ دغه سرچینه وايي چې د پېښې په تړاو درې کسان نیول شوي او پلټنې ورڅخه پیل شوې دي.
