شیما صدیقی

ځایي مسوولین وايي چې په جوزجان کې د یوه سړک پخولو چارې پیل شوې او د نیمروز په مرکز زرنج کې یو سړک ګټې اخیستنې ته وسپارل شو.

ځایي سرچینې وايي چې په نیمروز ولایت کې ۱۰ کیلوګرامه ښيښه، د نشه‌یي توکو د تولید یوه کارخونه او په غور کې څه باندې لس زره کیلوګرامه ومان کشف، ترلاسه او له منځه وړل شوي دي.

د زرنج ښار اوسېدونکې یوولس کلنه نازګل چې دوه کاله مخکې له خپله او اووه کلنه خور یې د روږدي پلار له لوري واده ته اړې شوې وايي، خپله له تاوتریخوالي سره مخ ده خو په دې دوو کلونو کې له خپلې خور هیڅ احوال نه لري چې مړه ده که ژوندۍ.

نیمروز کې ځايي سرچینې وايي، درې ماشومان چې له خپلې کورنۍ سره پر قاچاقي لار ایران روان وو، د سختې ګرمۍ او تندې له امله لاره کې مړه شوي دي.

نیمروز کې سیمه‌ییزې سرچینې د دوو قومونو ترمنځ د یوې دښنمۍ له هوارېدو خبر ورکوي او زیاتوي، په وروستیو درېیو کلونو کې په دغه ولایت کې د قومي جرګو له لارې ۲۰۰ دښمنۍ پای ته رسېدلې دي.

د نیمروز د کرنې ریاست وايي، سږ کال د دغه ولایت پر شاوخوا ۲۰ زره هکتار ځمکه خټکي او هندواڼې کرل شوي چې د ډېرو اورښتونو له امله یې حاصلات د تېر کال په پرتله ډېر شوي دي.

د نیمروز یو شمېر اوسېدونکي په داسې حال کې په دغه ولایت کې د انټرڼېټي خدماتو له ټیټ کیفیته شکایت کوي چې ځايي مسوولین د دې ستونزې د حل برخه کې د ځينو اقداماتو د ترسره کولو خبره کوي.

نیمروز ولایت کې ځینو سوداګرو د بغلان سېلاب‌ځپلو ته د ۳،۵ میلیون افغانیو په ارزښت خوراکي او غیرخوراکي توکي ولېږل.

په هېواد کې د بدل ودونو یو شمېر قربانيانې خپل له کړاوه ډک ‎ژوند له امله شکایت کوي، وايي چې له دغه ناوړه دود سره باید جدي مبازره وشي.

نیمروز کې له نشه‌یي توکو سره د مبارزې مدیریت د دغه ولایت په مرکز زرنج ښار کې د روږدو ټولولو او درملنې لړۍ د بیا پیلېدو خبر ورکوي.

د نیمروز ځایي سرچینې وایي چې د خیاطانو له لوړو بیو او د دغه ولایت د اوسېدونکو له شکایتونو وروسته، هغوی ته نرخپاڼې برابرې شوي او باید خیاطان د هغو مطابق عمل وکړي، له دې پرته له سرغړونکو سره قانوني چلند کېږي.

په نیمروز ولایت کې امنیتي مسوولین د نشه‌یي توکو د تولید یوې کارخونې له کشف او سوځولو خبر ورکړی او وايي چې په دې کارخونه کې ۱۱۱ کیلوګرامه نشه‌یي توکي هم له منځه وړل شوي او یو کس په دغه پېښه کې د لاس لرلو په تور نیول شوی دی.