شیما صدیقی

د پژواک د هغه راپور له خپرېدو وروسته چې د نیمروز «بای‌ناز» کلي کې روغتیايي خدمتونو ته سخت لاسرسی د یوه خور او ورور د معلولیت لامل شوی، د دغه ولایت د شهیدانو او معلولینو چارو رییس له یوه پلاوي سره له یادو معلولینو سره د مرستې لپاره دغه کلي ته سفر کړی دی.

د نیمروز د ورېښمو بندر له لارې د سوداګرۍ کمېدو په اړه د پژواک د راپور له خپرېدو وروسته اړوندو ادارو د دغه بندر له لارې د سوداګرۍ کچې ډېرېدو په موخه د باروړونکو موټرو کرایې لپاره لایحه جوړه کړې چې د سوداګرو له هرکلي او د ځینو موټرلرونکو له نارضایتۍ سره مخ شوې ده.

نیمروز کې د ګلبشرې په نوم ۳۰ کلنه ښځه چې لا یې له زېږېدو پنځه میاشتې نه وې تېرې شوې، د دوو کورنیو ترمنځ د دښمنۍ پای ته رسېدو په موخه یوه ۲۰ کلن هلک ته په نوم شوه. هغه اوس له نورو میندو او پلرونو غواړي چې هيڅکله دې د خپلو لوڼو له برخلیک سره دا ډول معامله نه کوي.

د نیمروز امنیتي مسوولین خبر ورکوي چې په دغه ولایت کې د «میټاډون» نږدې شپږ میلیونه ټابلېټونه کشف او ترلاسه شوي او د قضیې په تړاو یو کس نیول شوی دی.

د جرګو له لارې د اختلافي مسایلو حل؛ نیمروز کې یو قومي مشر مولوي ګل‌احمد احمدي چې د خپل ژوند درې لسیزې یې په شخړو او دښمنیو کې د ښکېلو لورو روغې جوړې ته وقف کړې وايي، هغه دښمنۍ یا شخړې چې د جرګو له لارې حل کېږي، د ښکېلو لورو د خوښۍ لامل ګرځي.

په نیمروز کې د وچکالۍ په اړه د پژواک د یوه راپور له خپرېدو وروسته چې ځيني کورنۍ کډه کېدو ته اړې شوې وې، یوه خیرخواه کس د دغه ولایت د یوه کلي د اوسېدونکو د څښاک پاکو اوبو د ستونزې هواري په موخه څاه وکنله او خلک یې د اوبو راوړلو په موخه له دوه ساعته مزله خلاص کړل.

یو شمېر افغان نجونې وايي چې له شپږم ټولګي پورته د زده‌کړو له ځنډېدو وروسته بېکاره نه ‌دي کښېناستلې او خپلو هيلو ته د رسېدو لپاره یې د زده‌کړو نوي فرصتونه انتخاب کړي دي.

د نیمروز امنیتي مسوولین وايي چې د دغه ولایت په چخانسور ولسوالۍ کې له امنیتي ځواکونو سره نښته کې درې غله وژل شوي دي.

نیمروز کې یو شمېر بې‌سرپرسته او بې‌وزلي ماشومان چې له کثافاتو د توکو ټولولو له لارې خپلو کورنیو ته یوه مړۍ ډوډۍ پیدا کوي، له اسلامي امارته غواړي چې د دوی ملاتړ وکړي او د زده‌کړو زمینه ورته برابره کړي.

نیمروز ولایت کې د ماشومانو داخله ناروغیو یو متخصص تنفسي ناروغۍ، په ځانګړي توګه سینه بغل خطرناک بولي، له کورنیو غواړي چې د سینه بغل نښو د لیدو په صورت کې د کورنۍ درملنې پر ځای دې ناروغ ژر تر ژره روغتیايي مرکز ته ولېږدوي.

د نیمروز مرکز زرنج ښار یو شمېر اوسېدونکي په داسې حال کې په بازار کې د سون توکو د بیو کنټرول غوښتنه کوي چې مسوولین وايي، له سرغړوونکو سره قانوني چلند کېږي.

ډاکټران د غیرمسلکي کسانو له لوري زېږون په داسې حال کې خطرناک بولي چې په غور کې یو شمېر مېرمنې وايي، د ځینو ټولنیزو ناسمو دودونو او د ښځینه‌ متخصصو ډاکټرانو او نسايي ولادي روغتونونو کموالی هغه لاملونه دي چې دوی په کور زېږون ته اړباسي.