فیض الله فیضي

د پکتيکا یو شمېر اوسېدونکي او سیمه‌ییز سوداګر وايي، که حکومت یې د جلغوزیو حاصلاتو ته بازار پیدا نه کړي، نو له زیان سره به مخ شي.

د پکتيکا په يحيی‌خېل ولسوالۍ کې د نېزه‌وهنې لوبې- چې د پکتيکا، پکتيا او غزني ولايتونو د نېزه‌وهنې د لوبغاړو ترمنځ جوړې شوې وې- د يحيی‌خېل ولسوالۍ د نېزه‌وهنې لوبډلې په بريا سره پای ته ورسېدې.

د پکتيکا د سوداګرۍ او صنايعو خونې چارواکي وايي، په روان کال کې د دغه ولايت د برمل ولسوالۍ د انګور اډې له لارې د څه باندې ۱۳ ميليون امريکايي ډالرو په ارزښت خوراکي او غير خوراکي توکي پاکستان ته صادر شوي دي.

د پکتيکا اوسېدونکي وایي، د افغانستان ټول قومونه يو ملت دی، د پرديو دسيسې نه شي کولای دغه ملت د سمت، قوم او ژبې په نوم ووېشي.

د پکتيکا چارواکي وایي، د دغه ولايت د مرکز او بېلابېلو ولسواليو ترمنځ په غځېدلو لویو لارو کې هغه پولګوټي رغوي چې د تېرو جګړو يا طبيعي پېښو له امله تخريب شوي دي.

د پکتيکا اوسېدونکي په تروې، وړممۍ او وازې‌خوا ولسواليو کې د ښوونکو له کموالي شکایت کوي او غوښتنه کوي چې د دغو ولسوالیو ښوونځیو ته دې د ښوونکو تشکیل ډېر شي.

چارواکي وايي، د پکتيکا په برمل ولسوالۍ کې د راشد خان خيريه بنسټ له لوري د زلزله‌ځپلو لپاره د ۲۵ کورونو د جوړېدو چارې بشپړې شوې او پر شاوخوا ۷۰۰ نورو کورونو کار روان دی چې د ژمي تر را رسېدو مخکې به بشپړ شي.

چارواکي وایي، د پکتیکا ولایت په خيرکوټ ولسوالۍ کې د يوې ښځې مړی موندل شوی چې په ډزو وژل شوې ده.

چارواکي وايي، د پکتیکا ولایتي روغتون د بسترونو شمېر له ۷۰ څخه ۱۵۰ ته لوړ شوی چې د چارو د عملي تطبیق لپاره یې ۴۷ نوي مسلکي کارکوونکي جذب کړي، څو د دغه روغتون په بېلابېلو څانګو کې دندې مخ ته یوسي.

د افغانستان کرکټ بورډ د کورني کرکټ څانګې له لوري د پکتيکا په مرکز ښرنه کې د ۱۸ لوبډلو ترمنځ د «کورني کرکټ/ انټرکلب» سيالۍ پيل شوې چې شاوخوا یوه مياشت به دوام وکړي.

د پکتيکا په اورګون ولسوالۍ کې هټۍوالو د مستوفيت له لوري د ماليې زیاتوالي په غبرګون کې کاربنديز کړی او وایي، تر هغه هټۍ نه پرانیزي څو د دغې ادارې له خوا مناسبه مالیه نه وي ورته ټاکل شوې.

د پکتيکا په مرکز ښرنه کې د خلکو په ۵۰ ميليونه افغانيو شخصي لګښت يوه ديني مدرسه جوړېږي چې شاوخوا ۵۰۰ نجونو او هلکانو ته به په کې د ديني او عصري زده‌کړو زمينه برابره شي.