قطب الدين کوهی

د فاریات په مرکز میمنه ښار کې د تېلو په یوه ټانک کې پرله پسې چاودنو او اورلګېدنې د دغه ښار اوسېدونکي اندېښمن کړي او له حکومته غواړي چې د تېلو ټانکونه له استوګنیزو سیمو څخه لرې ولېږدوي.

ځايي مسوولین وايي چې د مزارشریف – شبرغان پر لویه لار او د فاریاب په مرکز میمنې ښار کې په دوو جلا ترافیکي پېښو کې دوه کسان مړه شوي او یو بل ټپی شوی دی.

فاریاب کې یو شمېر ځایي مسوولین او قومي مشران وايي، د ملګرو ملتونو د خوړو نړۍوال پروګرام (WFP) د دغه ولایت پنځه ولسوالۍ د مرستو له برنامې ایستلې دي.

ځایي مسوولین وایي، یو درې کلن ماشوم د بدخشان په راغستان ولسوالۍ کې سیند پر غاړه د لوبو پر مهال اوبو کې ډوب شوی او مړ شوی او یو بل کس د فاریاب په المار ولسوالۍ کې د ناپېژاندو کسانو له لورې وژل شوی دی.

د فاریاب ځيني قومي مشرانو په دغه ولایت کې د څښاک او کرنیزو اوبو د کمښت له امله اندېښنه ښودلې او خبرداری یې ورکړی، که د دهندرې بند کارونه بېرته پیل نه شي، خلک به له میمنې ښار او ځینو ولسوالیو څخه کوچېدو ته اړ شي.

فاریاب کې د پوهنې ریاست مسوولین وايي، د دغه ولایت په شېرین تګاب ولسوالۍ کې د «ګل‌تپه» په نوم د نجونو لومړني ښوونځي ودانۍ بشپړه او ګټې اخیستنې ته وسپارل شوه.