میمنه (پژواک، ۲۲ لېندۍ ۱۴۰۲): فاریاب کې ځايي سرچینې وايي چې د دغه ولایت د شېرینتګاب ولسوالۍ د «نمبر۱» لویې لارې په اوږدو کې د ترافیکي پېښې له امله یو کس مړ او څلور نور ټپیان شوي دي.
د فاریاب د شېرینتګاب ولسوالۍ امنیې قوماندان قاري ګلمحمد نیازي پژواک خبري اژانس ته وویل چې تېره شپه د دې ولسوالۍ په اسلامکلا سیمه کې د «نمبر۱» لویې لارې په اوږدو کې د یوه سراچه او پریوس موټرو ترمنځ ټکر شوی دی.
نوموړي زیاته کړه، په پېښه کې یو کس مړ شوی او څلور نور ټپیان دي چې ټپيان د شېرینتګاب ولسوالۍ روغتون ته لېږدول شوي دي.
یو عیني شاهد امانالله وايي چې د دوو ټپیانو روغتیايي وضعیت نازک و.
GET IN TOUCH
NEWSLETTER
SUGGEST A STORY
PAJHWOK MOBILE APP