پژواک خبري اژانس

کورنیو چارو وزارت وایي، د کابل ښار لومړۍ امنیتي حوزې اړوند سینمای‌پامیر سیمه کې چاودنه شوې اومرګ‌‌ژوبله هم لري.

سیمه‌ییز چارواکي وایي، په لوګر او فراه کې له دوو زرو کورنیو سره د خوراکي توکو او پنجشېر کې له دوو زرو بزګرانو سره د غنمو اصلاح شوي تخم او کیمیاوي سرې مرسته وشوه.

د امر بالمعروف،‌ نهې ‌عن‌المنکر او شکایتونو اورېدو وزارت وایي، د تخار ولایت په چال ولسوالۍ کې د دغه وزارت د محتسیبینو له لوري یوه معلوله نجلۍ د خپل ورور له بنده را خلاصه شوه.

د ملي دفاع وزارت د لوجستیک رییس ویلي چې اسلامي امارت د افغانستان د هوایي حریم د دفاع او فضایي کنټرول لپاره تجهیزاتو ته اړتیا لري او پلان لري دا تجهیزات له روسیې وپېري.

سیمه‌ییز مسوولین وایي چي په هلمند، فراه، لوګر او غزني ولایتونو کې له څه باندې ۷۷۰۰ کورنیو سره د خوراکي توکو مرسته وشوه.

د اسلامي امارت ویاند ذبیح‌الله مجاهد د هېواد د خپلواکۍ بېرته اخیستو ۱۰۵مې کالیزې په مناسبت ویلي، د انګرېزانو پر وړاندې د افغانانو مبارزې نه یوازې افغانستان کې ښکېلاک پای ته ورساوه، بلکې د سیمې او نړۍ په کچه اشغال شوو هېوادونو کې یې هم ښکېلاک له ماتې سره مخ کړ.

سيمه‌ییز مسوولین وایي، په هملند او سمنګان ولایتونو کې له څه باندې ۳۵۰۰ کورنیو سره د خوراکي توکو مرستې وشوې.

ځینو اوسنیو او پخوانیو افغان چارواکو، ایران کې پر اسماعیل هنیه برید جنایتکارانه عمل بللی وایي چې د هغه ژوند بایلل اقصی ته د ازادۍ زېری ورکوي او ورسره به «جهادي مبارزې» لا پياوړې شي.

سیمه‌ییز مسوولین وایي، په لوګر کې له څه باندې ۱۲۰۰ کورنیو سره د خوراکي توکو او پنجشیر کې له ۶۹۰ کورنیو سره د نغدو پیسو مرسته شوې او په فراه کې څه باندې دوه زره کورنیو ته د نغدي مرستو د وېشلو لړۍ پیل شوه.

په کابل کې د جاپان سفیر د لوړو زده‌کړو وزارت له سرپرست سره لیدنه کې ویلي، هېواد یې د افغانستان ترڅنګ ولاړ دی، د افغانانو په چارو کې مداخله نه کوي او نړۍ به له افغانستان سره تعامل ته وهڅوي.

د افغانستان لپاره د روسیې ځانګړي استازي ویلي چې مسکو له «طالبانو» سره له بیاځلي واکمنېدو مخکې ښې اړیکې درلودې او دوی اته کاله مخکې پوهېدل چې بیا به د افغانستان واګې په لاس کې اخلي.

د کورنیو چارو وزارت وايي، د فاریاب په بل‌چراغ ولسوالۍ کې په ډېر بي‌رحمانه او ناوړه ډول د یوه ځوان شکنجه کول له هیڅ پلوه د توجیې وړ نه دي او له عاملینو سره به یې جدي او قانوني چلند وشي.