پژواک

د ریاست‌الوزراء سیاسي مرستیال د ملګرو ملتونو د سرمنشي ځانګړي استازي له مرستیال څخه وغوښتل چې ملګري ملتونه باید په دغه سازمان کې د افغانستان څوکۍ دوی ته وسپاري.

تر هغه وروسته چې په افغانستان کې په کورنيو او بهرنيو موسسو کې د ښځو کار وځنډول شو، یوناما ويلي چې ټولې افغان ښځينه کارکوونکې ساتي او هغوی ته میاشتنی معاش ورکوي.

د ترکيې، قطر او عربي متحده اماراتو د بهرنيو چارو وزيرانو په بېلا بېلو ټېلیفوني خبرو کې له زده‌کړو او کار د افغان نجونو او مېرمنو د منع‌کولو په تړاو خبرې کړې دي.

د اسلامي امارت ویاند وايي، په کابل ښار کې د داعش پر پټنځای عملياتو کې د داعش ډلې ۷ تنه وژل شوي او ۷ نور ژوندي نيول شوي دي.

قتصادي کمېسیون پرېکړه کړې چې د کندهار، ننګرهار، هرات او بلخ ولایتونو په ګډون د افغانستان په هر بندر کې دې د خوړو، درملو او نورو توکو د معاینې لپاره واحد کمپلکس جوړ شي او هره اړونده اداره دې په نوموړو کمپلکسونو کې خپل لابراتوارونه فعال کړي.

د مالیې وزارت وايي، پاکستان د ټرانزیټي اصولو خلاف د افغانستان پر ټرانزیټي مالونو ځیني محدودیتونه لګولي خو په کار ده چې د محدودیتونو وضع کولو پر ځای د اسانتیاوو رامنځته کولو هڅې وکړي.

له هغه وروسته چې پاکستان وویل «د ترهګرۍ لپاره هیڅ زغم نه لري.»، د هند د بهرنیو چارو وزیر په غیرمستقیم ډول ویلي، د «ترهګرۍ مرکز» په پاکستان کې دی؛ خو پاکستان دغه خبرې د دغه هېواد په بدنامولو کې د هند د ناکامۍ په اړه زیاتېدونکې ناهیلي بولي.

په ټولنیزو پاڼو کې وژل شوو څلورو انسان‌تښتوونکو ته منسوب د هویت کارتونه لاس په لاس کېږي چې ګواکې په حکومتي ادارو کې یې دندې لرلې، خو د کورنیو چارو وزارت وایي، څېړنه روانه ده چې دغو خلکو کارتونه له کومه ځایه ترلاسه کړي او که جعلي دي.

پخوانی ولسمشر کرزی وايي، د پاکستان اوسني حالات او ناامنۍ تر ډېره د پاکستان د حکومت د خپلو پالیسیو نتیجه ده او دغه هېواد دې د خپلو تېرو څو لسیزو پر پالیسي له سره ژور غور وکړي او بدله دې کړي.

د ملګرو ملتونو د سرمنشي ځانګړي استازي د نجونو د تعليم او د نورو محدوديتونو د وضع کېدو په اړه اندېښنه ښودلې، خو د کورنيو چارو سرپرست وزير بیا ويلي چې د دغې ستونزې د هواري لپاره پر معقولې او دايمي حل لارې کار روان دی.

د ننګرهار په مرکز جلال اباد ښار کې د نږدې ۱۲ ميليونه افغانيو په لګښت د يوه فرعي سړک او ويالو جوړولو کارونه پيل شول.