احمدشاه عرفانیار

د راپورونو له مخې، د ایران د بلوچستان او سيستان د سراوان ولسوالۍ په سیرکان سیمه کې په یوه وسله‌وال برید کې د دغه هېواد پنځه سرتېري وژل شوي دي.

د چاپېریال ساتنې ملي ادارې مشر مولوي مطیع‌الحق خالص، د یوه تخنیکي پلاوي په مشرۍ د ملګرو ملتونو د اقلیمي بدلون نړۍوال کنفرانس (COP-29) کې د ګډون په موخه اذربایجان ته ولاړ.

تېره اونۍ ا.ا په ټاکنو کې د ټرمپ له بریا وروسته هیله څرګنده کړه چې د امریکا نوې اداره د افغانستان په اړه واقع‌بینانه ګامونه پورته کړي، ازبکستان له افغانستان سره پر همکاریو ټینګار وکړ او اروپايي ټولنې بیا له افغانستان سره د سل میلیون ډالرو مرستې ژمنه وکړه.

له پېښو سره د مبارزې اداره وايي، د کابل پغمان کې د تېرې شنبې ورځې اورلګېدنه کې درې تنه مړه او ۳۳ ټپیان شوي او ۱۲ شرکتونه، ۶۴ کورونه، ۵۵ هټۍ او ۱۲ وسایط زیانمن شوي دي.

د راپورونو له مخې، تېره شپه د غزې په شمال کې د بې‌‍ځایه شوو فلسطینیانو پر کورونو د اسرائیلي ځواکونو هوایي بریدونو کې د ۱۳ ماشومانو په ګډون لږ تر لږه ۲۵ فلسطینیانو ژوند له لاسه ورکړی دی.

د راپورونو له مخې، د پاکستان په کراچۍ ښار کې د ناپېژانده وسله‌والو له خوا ډزو کې دوه چینایان ټپیان شوي دي.

راپورونه ښیي چې د امریکا ولسمشریزو ټاکنو سیالۍ دومره نږدې سره روانې دي چې یوازې دوه یا درې نومرې هم کولای شي د ټاکنو پایلې بدلې کړي.

تېره اونۍ، ۷ هېوادونو له افغانستان سره پر تعامل ټینګار وکړ، افغانستان او قزاقستان د همکارۍ لارنقشه لاسلیک کړه، موظف پلاوي ایران کې پر افغانانو د ډزو او چاودنو لومړنۍ پایلې اعلان کړې او اسټرالیا له افغانستان سره ۱،۳ میلیون ډالره مرسته اعلان کړه.

د غزې روغتيايي چارواکي وايي، په تېرو ۲۴ ساعتونو کې د اسرائیل بریدونو کې د ښځو او ماشومانو په ګډون ۵۵ کسانو خپل ژوند له لاسه ورکړی او ۱۸۶ نور ټپيان شوي دي.

کورنیو چارو وزارت د ا.ا مشرتابه د حکم له مخې، د وسلو ګرځولو ټول پخواني جوازونه، خطونه، استعلامونه او مکتوبونه لغوه اعلان کړل، وایي چې نوي جوازونه د «ډایاک مدیریت» له خوا وېشل کېږي.

د ملګرو ملتونو د بشري مرستو همغږۍ دفتر (اوچا) وايي، اسټرالیا له افغانستان سره ۱،۳ میلیون امریکايي ډالره مرسته کوي.

یوې ازبکستاني رسنۍ راپور ورکړی چې د ازبکستان هېواد «فوق‌العاده او کامل الاختیار» سفیر ایبک عثمانوف کابل ته رسېدلی دی.