احمدصهیب حسرت

د مالیې وزارت وایي، په دولتي ادارو کې به ټولې ښځینه کارکوونکې د پخوا په څېر خپل معاشونه ترلاسه کوي او یوازې هغو ښځینه کارکوونکو ته به پنځه زره افغانۍ ورکول کېږي چې په کور ناستې دي.

په بجینګ کې د افغانستان سفارت وایي، د اقتصاد وزارت د سرپرست په مشرۍ د ا.ا یو پلاوی د ټرانس همالیا نړۍ‌وال فورم څلورمه سرمشریزه کې د ګډون په موخه چې ته ورغلی دی.

ځینو کسانو د یوې ویډیو په خپرولو سره ادعا کړې چې محمد محقق د برهان‌الدین رباني له لور سره په غېږ ستړې مه شي کړي، خو د پژواک موندنې ښیي چې له محقق سره ستړي مه شي کوونکی نارینه دی.

یو شمېر کسان وایي، پر بدن د ټپ رغېدو لپاره پر ټپ یا زخم خاوره اچوي، خو ډاکټران وایي، دغه کار نه یوازې چې ټپ نه جوړوي، بلکې میکروبي کوي یې او ان د انسان د مرګ لامل هم کېدای شي.

د افغانستان بهرنیو چارو وزارت وایي، د دوحې درېیمه غونډه نن ماښام پیلېږي، سبا دوه بجې پای ته رسېږي او له هغه وروسته که ځیني استازي له چا سره ناستې کوي، له یادې غونډې سره تړاو نه لري.

باوري سرچینې وایي، د هېواد پخوانی ولسمشر حامد کرزی جرمني او د امریکا متحده ایالتونو ته له سفر وروسته نن مازدیګر بېرته کابل ته راستون شو.

په اتریش کې د ویانا د درې ورځنۍ ناستې له ترسره کېدو سره هم‌مهاله، د افغانستان بهرنیو چارو وزارت د درېیم سیاسي ریاست رییس ویلي، هغه کسان چې خپله طرحه او ولسي ملاتړ او له نړۍوال سیاسته درک نه‌لري او بیا هم د بهرني ملاتړ په تمه وي، هغوی پر ماتې محکوم دي.

ملا بسم‌الله د استخباراتو عمومي ریاست د اداري او تامیناتي مرستیال، مولوي عبدالقیوم روحاني د خوست د والي او حاجي محمد وزیر د غزني د پېښو پر وړاندې د مبارزې د رییس په توګه ټاکل شوي دي.

د ترافیک پولیسو عمومي ریاست وایي، د اختر ورځو کې د هېواد په کچه د ترافیکي پېښو له امله ۴۸ کسانو ژوند له لاسه ورکړی او ۱۶۱ نور ټپیان شوي دي.

اقتصادي کمېسیون د اوبو او برېښنا وزارت ته دنده سپارلې څو د کابل اړوند د سروبي دویم بند جوړولو او په جوزجان کې د ۳۰۰ ميګاواټه ګازي برېښنا د تولید په اړه له اړوندو شرکتونو سره تخنیکي بحثونه وکړي.

د ملګرو ملتونو د بشري مرستو همغږې‌کوونکې اداره وایي، افغانستان کې ۱۹ سلنه ماشومان په سختو کارونو بوخت دي، خو د کار او ټولنیزو چارو وزارت وایي، هڅه کوي چې د ماشومانو د کار مخنیوی وکړي.

د اسلامي امارت ویاند وایي، د افغانستان د ارشاد، حج او اوقافو سرپرست وزیر په مکه معظمه کې د اسلامي هېوادونو د حج او اوقافو وزیرانو په ۴۸ نړۍوال کنفرانس کې ګډون وکړ.