عاطفه سهرابی

د بامیان ولایت اوسېدونکی ۲۵ کلن مهدي چې له خپل واده دوه میاشتې وروسته د ولور لپاره قرض کړو پیسو پیدا کولو په موخه ایران ته تللی وايي، له دې امله چې دی مسافر دی، مېرمن یې د طلاق غوښتنه کړې ده.

د ملګرو ملتونو سازمان د خوړو نړۍوال پروګرام وايي، په راتلونکو شپږو میاشتو کې افغانستان کې د بشردوستانه فعالیتونو دوام لپاره ۷۶۰ میلیون ډالرو ته اړتیا لري.

د زده‌کړو نړۍوالې ورځې سره هم‌مهاله یو شمېر نجونې د خپل راتلونکي په اړه د اندېښنې څرګندولو ترڅنګ، له اسلامي امارته غواړي چې له شپږم ټولګي پورته د ښوونځیو او پوهنتونونو دروازې د دوی پر مخ پرانیزي.

د تخنیکي او مسلکي زده‌کړو اداره وایي چې د یوې نوې طرحې له مخې هغه «مجاهدین» چې له تعلیم او لوړو زده‌کړو پاتې دي، کولای شي چې نوي ښوونیز کال کې یونیم کلن ښوونیزو پراګرامونو کې شامل شي او د فراغت سند ترلاسه کړي.

د عامې روغتیا وزارت وړاندې شوو شمېرو له مخې، د سږ کال په لومړیو شپږو میاشتو کې د تېر کال د ورته مودې په نسبت د لېوني سپيانو داړلو پېښې څه باندې ۱۴ سلنه ډېرې شوې، خو دغه وزارت د دې ناروغۍ اړتیا وړ ۷۰ سلنه واکسین په واک کې نه لري.‎

د کابل ښار ځیني اوسېدونکي وايي، له دوو کلونو راهیسې د اوبو له کمښت سره مخ دي او خپلې د اړتیا وړ څښاک اوبه له لرو ځایونو راوړي چې مسوولین باید دې برخې ته جدي پاملرنه وکړي.

نوي کابل بانک خبر ورکړی چې د مالي کال پای ته د رسېدو پروسې بشپړېدو په موخه، د دغه بانک ټولې څانګې د مرغومي میاشتې له ۷مې د ځلورو ورځو لپاره تړل کېږي.

ډاکټران پر ژورخفګان د نارینه‌وو په پرتله د ښځو اخته کېدو کچه لوړه بولي او وایي، که پر وخت د دې ناروغۍ درملنه ونه شي، ښایي د ځان‌وژنې لامل شي.

د ملګرو ملتونو د بشردوستانو مرستو همغږي‌کوونکې اداره (اوچا) د افغانستان له بشردوستانه صندوق سره د څه باندې ۹۸ زره یورو له مرستې خبر ورکړ.

کابل کې د روغتیایي رضاکارانو ملي ورځ په داسې حال کې و لمانځل شوه چې یو شمېر دغه رضاکاران له اقتصادي ستونزو شکایت لري او له حکومته غواړي څو دې برخه کې مرسته ورسره وکړي.

مرکزي بانک وايي چې د دغه بانک د سرپرست هدایت‌الله بدري په مشرۍ یو پلاوی د اسلامي مالي موسسو د محاسبې او تفتیش ادارې او د اسلامي پراختیایي بانک په کلني کنفرانس کې د ګډون په موخه بحرین هېواد ته ولاړ.

د ملګرو ملتونو د خوړو نړۍوال پرواګرام وایي، تر اوسه یې له پاکستانه را ایستل شوو ۱۱۲ زره افغان کډوالو سره مرسته کړې او د یو میلیون نورو کډوالو لپاره ‍۱۶ میلیون ډالرو ته اړتیا لري.